أحدث المشاركات
النتائج 1 إلى 6 من 6

الموضوع: أنفض المولد

  1. #1
    عضو غير مفعل
    تاريخ التسجيل : May 2004
    المشاركات : 8
    المواضيع : 3
    الردود : 8
    المعدل اليومي : 0.00

    افتراضي أنفض المولد

    بعد الخروج المهين لمصر من الترشيح لتنظيم كأس العالم وحصولها على صفر من ألأصوات
    أنفض المولد



    انفض المولد

    انفض المولد
    شالله ياسيدى صاحب الكاس
    انفض المولد
    ما فضلشى غير أحزان الناس
    عشمتونا
    وعملتولنا البحر طحينة
    واما صحينا
    شفنا أجمل حلم كابوس
    بالونة الكدب مهما ح تكبر
    بيفجرها راس دبوس

    والله حرام
    نتشعلق دايما ف الأهرام
    ونعيش على أوهام الماضى
    ونغنى للنيل ع الفاضى
    أحنا أول ناس ف العالم
    لعبت كورة..
    أمجادنا كلها محفورة
    شوف معبد رمسيس الأول
    واتأمل وحدك ف الصورة
    فرعون قاعد ف المقصورة
    دا احنا الأصل واحنا الفرع
    وأقرا البردية المشهورة
    بردية كاب تن كو..رع

    الألوان سرها إعجاز
    والتحنيط لغز الألغاز
    أما حاضرنا صورة وصوت
    والإنجاز بيجيب إنجاز
    شطار ف الكورة وحريفة
    خبرا فى فنون التشريفة
    وأساتذة ف أصول الزفة
    شوف الخفة ف رقصة شريفة
    دا احنا اللى خرمنا التعريفة
    بعد ماكان علطول مقفول
    أما الفيفا دى حاجة خفيفة
    ح تروح فين من سحر الفول

    الفهلوة فكر و أسلوب
    والمعدول.. مع دول أو دول
    ف أيدينا تلاقيه مقلوب
    نتدارى ورا حسن النية
    ونقول ربنا رب قلوب
    كل مانشرب مقلب نعطش
    نشرب من نفس المشروب
    إزاى ممكن تصبح غالب
    وانت بأوهامك مغلوب

    التخطيط عندنا تخبيط
    والتنظيم يا عظيم تنطيط
    ناس بتدوس على أرض الواقع
    واحنا بنمشى فوق الحيط

    الأزمة صبحت أزمتنا
    والصدمة بعد ما صدمتنا
    لازم نعرف إن المشهد
    بيجسد بالفعل قيمتنا
    وان احنا مهما ح نتكلم
    بتضيع ف العالم كلمتنا
    لازم نسأل
    ليه ماخدناش ولاصوت م السود ..؟!!
    ليه ما خدناش أصوات الصُفر..؟!!
    أسئلة صعبة طعمها مر
    لكن الأصعب لو ح تمر
    يدينا ويديك العمر
    إذا كان اللى ف أيده الأمر
    عايش لسه جوه الكفر
    يبقى ضرورى مؤكد قطعاً
    طبعاً لازم ناخد صفر


    ابن الجنوب
    أحمد يسرى
    21/5/2004

  2. #2
    عضو غير مفعل
    تاريخ التسجيل : Dec 2002
    الدولة : (بيتنا بطحاء مكه)
    المشاركات : 1,808
    المواضيع : 128
    الردود : 1808
    المعدل اليومي : 0.28

    افتراضي

    السلام عليكم ورحمة الله


    الاخ الفاضل ابن الجنوب يشرفنى ان اكون اول من يرحب بك من اعضاء واحتنا الغراء
    اهلاومرحبا بكبين اخوانك واخواتك فى هذا الصرح الشامخ

    اما عن نصك

    يخوننى التعبير

    ويمتلكنى الصمت

    جمال فى تعبير غايه فى الوصف( حرقت النار فى اوضاعها)

    تفننت هنا بحروف الابداع

    ايها المطر القادم من الجنوب--انضمامك هو مكسب كبير لعشاق الشعر الشعبي

    بس اسمح لى أن اعترف------عندما سمعت بفوز منديلا بكأس العالم سعدت جدا بهذا الخبر
    انها هذيه مشرفه لاْنسان ناضل فى سبيل القيم والمبادئ الانسانيه

    منيدلا رجل القرن الشجاع ويستاهل اكثر

    اما نحن العرب-----لما نفوز ونحارب ونناضل ونهزم صهيون وامريكا--بعدها نشوف كيف نلعب كوره
    اما الآن دعنا نختبئ بحجر الهزيمه نحن اكبر فلم للمسخره فى العالم ولا نستحق حتى شرف حضور لكأس العالم

    اخى الجنوبي لك تحياتى وتراحيبي العطره

  3. #3
    عضو غير مفعل
    تاريخ التسجيل : May 2004
    المشاركات : 8
    المواضيع : 3
    الردود : 8
    المعدل اليومي : 0.00

    افتراضي

    أخى العنود الهاشمى
    من أعماق قلبى أشكر لك ترحيبك الكريم وأرجو أن اتمكن أن اضيف ولو حرف جديد لينمو فى ظلال واحتكم الوارفة.
    أصدقك القول واتفق معك تماماً فى قيمة ووزن نليسون مانديلا وما أضافه لشعبة من قيمة ولكن هذا أحد العوامل التى رجحت كفة جنوب إفريقيا ولكن المخزى هو صفر الفشل بجدارة وهذا ببساطة يعنى أن المسئولين عن الملف المصرى هم مجموعة من المهرجين.
    ولكن الأكثر حزنا أن النتيجة تجسد بالفعل قيمتنا فى كثير من المحافل والهيئات العالمية .
    "إن الله لا يغير ما بقوم حتى يغيروا ما بأنفسهم"
    وقديما قالوا " السمكة تفسد من الرأس " وهذا سائد بكل مساحة الوطن العربى
    مرة ثانية تقبل تقديرى وتحياتى

    أحمد يسرى
    ابن الجنوب

  4. #4
    شاعرة
    تاريخ التسجيل : Mar 2004
    العمر : 44
    المشاركات : 242
    المواضيع : 32
    الردود : 242
    المعدل اليومي : 0.04

    افتراضي

    بداخلي رغبة بعد ان اقول لك حللت اهلا ونزلت بالواحة سهلا أخي أحمد ان أبدأ تعليقي حديثا اليك بعاميتي


    عداك العيب
    شوف
    بحترم اننا على الأقل نطقنا بيها ومتكسفناش
    العيب فينا
    شوف يا ابن الجنوب
    اللي مش هياخد الصفر ده لازم يكون بجد بجد تهمه البلد دي
    فعلا عايزها تكبر
    فعلا مصدق قيمتها
    فعلا بيبص لبعيد عشان يستعد لأي تحدي صح
    بيشتغل كتير
    مش بيتكلم كتير
    ويروح يبني هرم الفين وعشره من غير أساس حقيقي
    بردو بيتمسح في ماضي فعلا عظيم
    وكتر كلامنا عليه
    بيقلل من عظمته دي
    وبيشاور أكتر على حاضر فعلا فاضي من أي شيء ننفع نقوله غير اللي بنقوله ده
    الشخص ده _ لو جاز التعبير انو شخص ولا أقصد شخص طبعا _ مش ممكن يكون الحراميه اللي بيسرقوا عيني عينك وميهموش شعب وأمة ربنا مكرمها وهيفضل مكرمها
    ولا ممكن يكون الا لما نعمله احنا
    لأ
    زيك مش خجلانه أقول كده
    لأني واثقه ان فيه يوم هيكون بس للالي زيي وزيك واللي أحسن كمان
    البلد دي فيها أكتر من اللي باين منها بكتير

    أخي الكريم
    من وجع موطني
    ومهد قلبي الذي أحب
    جئت بنقد جريء وبناء
    لن يقلل من قيمة الأرض التي أنا من بعض غرسها الصغير - وأفخر -
    لكنه سيثير في نفسي نفس الغضب على من يؤذونها
    ومن يستسلمون لأذيتها
    وأنا اتفق معك وأؤكد
    الصفر لا يؤخذ
    الصفر يصنع
    كما يصنع النجاح تماما

    تحياتي ابن الجنوب لموهبة عكست فكرا ورؤية صادقة باسلوب متقن وبمفردات من الواقع تتعانق في عناية
    أسعدني جدا ان أقرا لك
    تحياتي
    قدر .... ويا ليته ظل حلما في خيال اميرة ....!

  5. #5
    عضو غير مفعل
    تاريخ التسجيل : Sep 2003
    المشاركات : 359
    المواضيع : 48
    الردود : 359
    المعدل اليومي : 0.06

    افتراضي

    بسم الله الرحمن الرحيم


    ابن الجنوب....
    أهلا و يامية سهلا....
    يامعضلة!!!
    فانت ابن الجنوب ...و لكنك أيضا ابن الشمال...لانك من بلد الشمس و الهوا و المية...
    اسكندرية...
    و معضلة لان كلماتك تاتى سهلة ...و لكنها من قلب الم به الم صعب...
    الصفر اللى اخدناه...اخدناه لاننا نساةى صفر...
    لان لا قيمة لنا و لا فى رياضه و لا فى التعامل الدولى الانسانى و السياسى..و لا اى شىء اخر...
    و من فى داخله صفر....يساوى فى المجتمع الدولى صفر ...
    حتى لو كان مونديال

    تحياتى لاسلوبك الذى يحمل جريان النيل...
    و اهلا بك بيننا

  6. #6

المواضيع المتشابهه

  1. أنفض غبارك
    بواسطة عبدالسلام حسين المحمدي في المنتدى فِي مِحْرَابِ الشِّعْرِ
    مشاركات: 12
    آخر مشاركة: 01-09-2014, 04:52 AM
  2. إلى ربيع المولد النبوي
    بواسطة سيد سليم في المنتدى فِي مِحْرَابِ الشِّعْرِ
    مشاركات: 25
    آخر مشاركة: 22-03-2006, 01:43 PM
  3. في المولد النبوي - قصيدة
    بواسطة ياسر في المنتدى فِي مِحْرَابِ الشِّعْرِ
    مشاركات: 18
    آخر مشاركة: 01-05-2005, 10:38 PM
  4. وممزقُ الوجدانِ منذ المولدِ
    بواسطة عبداللطيف محمد الشبامي في المنتدى فِي مِحْرَابِ الشِّعْرِ
    مشاركات: 18
    آخر مشاركة: 03-09-2004, 07:38 PM
  5. في ذكرى المولد النبوي الشريف
    بواسطة رمضان عمر في المنتدى فِي مِحْرَابِ الشِّعْرِ
    مشاركات: 4
    آخر مشاركة: 17-05-2004, 01:11 AM