لسه خايفه
ليه بس خايفه
واهو إنتي شايفه
إني بحبك
وجوه قلبي بتنام عيونك
لو حد قلك ..
إني فلاتي وبتاع بنات
طب هو إنتي يعني ..
يا نور عنيه
زي البنات !
ده إنتي نجمه
وفوق سمايا ساكن عبيرك
لو مره شفتك
بيشت عقلي وبكون أسيرك
ولا عمري كنت
ولا عمري حبقى لحد غيرك
يالي إنتي ساكنه في نن عيني
على إيه حقولك
إن إنتي جمبي بتوحشيني ..
وبخاف في بعدك تفوت سنيني
وألاقي إني
يا حته مني ..
محروم عيونك
لو يوم أكونك
واعيش أصونك
ولا يوم تهوني
يا شمس عمري ونور عيوني
متصدقيني
في قلبي شايل ..
دموع حنيني
لو تسأليني
تروح دموعي .. لضي عينك
تبوس جبينك
واقول بحبك
وفي حضن قلبك
لتاني مره بتوحشيني
أخاف تغيبي
يزيد لهيبي
واسهر بناري
يالي إنتي داري
ونور نهاري
وكل يومي
بلاش تقومي
خليكي جمبي
على كتفي نامي
تغيب آلامي
وتغيب همومي
مليون بحبك
ويا ريت بحبك تحسي بيها
يالي إنتي خايفه
ورايحة جايه بتنكريها
يا أغلى غاليه
يا ورده طايله
رموش عيوني
يا نسمه ساكنه
شبابيك جفوني
لسه خايفه ؟
يالي انتي شايفه
دموع حنيني
خليكي جمبي
واحضنيني
يموت عذابي
في بحر حضنك
يعيش جنوني
بتخافي مني
وتسيل دموعك
وخايفه إني في يوم أبيعك
طب حد قلك
إني في بعدك بخاف لأضيع
وان الحياه في قربك انتي .. دفا وربيع
لو لسه خايفه اديني خوفك
ده انا شمس يومي تصير ظلام .. لو يوم ما اشوفك
لو ترمي خوفك
وصدقيني
لو عمري هان ما في يوم تهوني
يا حته مني
أنا وانتي جمبي
بتوحشيني
يا نجمه ساكنه في ربيع عيوني
يا جوه قلبي
وغنوة جبيني
عيسى الدفراوي
رد مع اقتباس