بلسان الأطفال في العالم

بلسان الأطفال في العالم
المستقبل احنا معاه
لو بالحب هنزرع نبته
تطرح من أحلامنا حياه
***************

أنا طفل الصحرا فـ أفريقيا
عارفين لوني وعارفين شكلي
بس ليلاتي باسهر افكر
في علاجي وتعليمي وأكلي

وانا من آسيا نمور العالم
تايه في غابات الخرافات
مع إن المستقبل جاي لي
لسه بفكر في الصراعات

وانا بعد ما كنت المدلع
وأوربا فـ عقلي وإحساسي
فجأة تقوم أزمة اقتصادية
وانا أول واحد هيقاسي

وانا أمريكي ودايماً شايف
كل الكون حَوَليّا اتغير
كله سريع وصناعي وجاهز
نفسي فـ حضن العيلة أكبر

وانا عربي وتاريخ أجدادي
كان بينور للعالمين
بس الحاضر ضلمة وخنقة
والحرية كلام مجانين

***************
واحنا فـ عالم كله حروب
بتموت الأحلام في عنينا
هنقول رسالتنا بصوت عالي
انسوا حروبكو وفكروا فينا


انسوا حروبكو وفكروا فينا

الله
ما أجمل هذه الأنشودة
وقفت على ما اقلق لحن الكلمة
لكن روعتها جعلتها تنساب بسلاسة

لا فضفوك

الأستاذة الكريمة/ ربيحة
الشكر لك أنت على المرور الكريم
مع اتفاقنا على أن لحن النص تابع للهجة قراءته

دائماً كريمة وأديبة
تقديري
أحمد السرساوي

كلمات جميلة تتهادى في ثوب موسيقي ساحر
ومعان كبيرة بأسلوب مبهر
شكرا لحرفك الجميل.

واحنا فـ عالم كله حروب
بتموت الأحلام في عنينا
هنقول رسالتنا بصوت عالي
انسوا حروبكو وفكروا فينا

معان عميقة ـ وحكمة تجلت في أبياتك
قوي حرفك، وشاعري إحساسك
دمت متألقا.