بحبك
بحبك وحبك ليا
زى الشمس والميه
وف قربك سر الهامى
وف بعدك تبقى ايامى
صفحه فى عمرى مطويه

وشوقى ليكى انفاسى
ونبض القلب مش ناسى
انك حلم ف عينيه

بحبك ليلى ونهارى
وبعشق فيكى مشوارى
وف غربة عمرى بالقاكى
ساكنه فى حضن افكارى

بحبك معنى بينادى
عبير الورد فى الوادى
ونبض القلب محتاج لك
ياأرضى وعرضى وبلادى

بحبك ضى قنديلى
وفكره ف عقلى بتجيلى
تخلى القلب يتمنى
تطلى عليا وتميلى

بحبك نسمه هفهافه
وبسمة حلم شفافه
وخصلة شعر بترفرف
فوق الخد صفصافه
بحبك......
إسكندرانى