صحيت ملايين
علشان تظهرلك حلم اتحطم في الزنازين
صحيت ملايين
علشان تغسلك توابك لابيض في الميادين
ياام الصابرين
ادي فجر ولادك طالع يصرخ في النايمين
بيقول صامدين
هنرجع ليكي عز ومجد صلاح الدين
سيبك م الدون
سراقوكي وباعوا وحرك فيهم كان مسجون
وده كله يهون
لو حطوا سيوفهم فوق رقبينا وسيف مجنون
احولهم حيره
فكرين الدم اللي بيجري في عروقنا البيره
مخاليق سكيره
دول كانوا يبيعوا في ولادنا بحتت تعميره
اسلوب معهود
نسيوا ان ولادنا في تاريخنا دول خير جنود
مالهمش وعود
وسقونا المر وحطونا في طريق مسدود
والصوت محدود
والكلمه الحره مسجونه وعليها قيود
طرحت عنقود
مايخاف الظلم وتهديده بدخان وبارود
صرخوا الثوار
دي سحابه ولازم هاتعدي والجاي نهار
الكل احتار
اتغر الظالم في عناده وعمل جبار
اتاريه غدار
بالسلم خدعهم بجنوده وقتل الاحرار
واتقلبت نار
وانكسرت شوكته وحلفوله ياخدو بالتار
ياخراب الخير
علي شهدا بتسقط زي الطير
والحلم كبير
والشمس بتطلع وولادنا رفضوا التخدير
ده نهاره عسير
عمال يتخبط ويدور ماهو لاقي نصير
خانوا التفكير
ده لوعي شبابنا المترصص وملا التحرير
اشهد يازمان
دي ولادك والله يابهيه هدموا الاوثان
وهلال صلبان
واتلم الشمل اللي اتقطع اجراس واذان
ودي مرك هان
وهو تاجك اصبح مترصع باايدين شبان
ازهار وريحان
واهي غمه والله وانزاحت غرق الربان
وصبح هلكان
واتنصبت خيه لاعوانه وحسابهم شان
دم الشبان
الدم الطاهر مايعادله ملايين جرزان
اصحا ياغفلان
الشعب الصامت لو يصرخ تلاقيه بركان
وسلام وامان
ياشهيد الثوره اللي بدمك عاشت اوطان
...........
.........................................
حسره ودمعه
ع الزهر الشبل اللي اتوارا وشباب جامعه
اسم وسمعه
والنور الساطع في قلوبكم يانجوم لامعه
دانتوا الشمعه
القايده لينا في دوربنا والناس سامعه
يوم الجمعه
يتبتر الظلم واركانه في سجون
؟؟؟؟؟؟؟؟؟؟؟؟؟
سلم يارب
صحيت ملايين سلم يارب
رد مع اقتباس
المشاركة الأصلية كتبت بواسطة فاطمه حمزه
