ألف سلامه

ألف سلامه

ألف سلامه لضهر سعادتك
إحنا فداه وف رهن إشارتك
كل الشعب بتاعنا بحاله
نسى أحزانه وخيبة حاله
وبيتمنى شفاك وسعاتك
ترجع لينا بألف سلامه.....
ويسلم لينا ضهر سعادتك

الأسعار راح نتحملها
والأوضاع مش ح نعدِّلها
والتغيير ماحناش عايزينه
إحنا هدفنا خلاص عارفينه
ترجع لينا بألف سلامه.....
ويسلم لينا ضهر سعادتك

كرسى سعادتك جوّه عيونا....
وفوق الروس
مين يستجرا يهوِّب جنبه
أو يتّكا عليه ويدوس

الرجلين
ح نجددهالك
وبعون الله القاعده كمان
ح نجِّدهالك
وتعيش مرتاح العمر عليه
من غير ماتحس بأى آلام
ف الفقرات
أو ف العصعوص

بس انت كمان
ماتغيبش علينا
الله يخليك وتسيبنا نلوص
دى الأيام
من غير تصريح
من فم سعادتك
ماتعديش
والأحلام
من غير ماتعيشها
معانا سعادتك
تبقى كابوس
ترجع لينا بألف سلامه.....
ويسلم لينا ضهر سعادتك
إسكندرانى

23/6/2004

عبث فى مناطق محظورة

لكنه يحمل فى طياته روعة الزجل الأخاذ

اجمل تحية .. مختبئة

عزيزتى سنبله
ماتخافيش
خلاص مفيش
قدامى غير الإختيار
إما اموت فى العتمه
م الخوف وسجن الكلمه
فى الجوف
أو أعيش
بيها فوق درب النهار