أحدث المشاركات

قراءة فى بحث تجربة ميلغرام: التجربة التي صدمت العالم» بقلم اسلام رضا » آخر مشاركة: اسلام رضا »»»»» مصير الكوكب على متن الشراع الشمسي» بقلم إبراهيم أمين مؤمن مصطفى ح » آخر مشاركة: إبراهيم أمين مؤمن مصطفى ح »»»»» وذُلّت الأعناق مقتطف من رواية قنابل الثقوب السوداء...» بقلم إبراهيم أمين مؤمن مصطفى ح » آخر مشاركة: إبراهيم أمين مؤمن مصطفى ح »»»»» الفصل الثاني من رواية وتستمر الحياة بين يأس و تفاؤل الأم الجريحة» بقلم بوشعيب محمد » آخر مشاركة: ناديه محمد الجابي »»»»» و تستمر الحياة بين يأس و تفاؤل الفصل الأول من الرواية بقلم بوشعيب» بقلم بوشعيب محمد » آخر مشاركة: ناديه محمد الجابي »»»»» قراءة في بحث أمور قد لا تعرفها عن مستعمرة "إيلون موسك" المستقبلية» بقلم اسلام رضا » آخر مشاركة: اسلام رضا »»»»» نعم القائد» بقلم عطية حسين » آخر مشاركة: احمد المعطي »»»»» قراءة في مقال يأجوج و مأجوج ... و حرب العوالم» بقلم اسلام رضا » آخر مشاركة: بوشعيب محمد »»»»» الطفل المشاكس بقلمي» بقلم بوشعيب محمد » آخر مشاركة: بوشعيب محمد »»»»» @ تَعَاويــذ فراشَــةٍ عَاشِقـَـة @» بقلم دوريس سمعان » آخر مشاركة: دوريس سمعان »»»»»

صفحة 2 من 7 الأولىالأولى 1234567 الأخيرةالأخيرة
النتائج 11 إلى 20 من 68

الموضوع: صفحات الأديب و الشاعر الشربيني خطاب رحمه الله تعالى .

  1. #11
    الصورة الرمزية نادية بوغرارة شاعرة
    تاريخ التسجيل : Nov 2006
    المشاركات : 20,306
    المواضيع : 329
    الردود : 20306
    المعدل اليومي : 3.21

    افتراضي

    اقتباس المشاركة الأصلية كتبت بواسطة الشربينى خطاب مشاهدة المشاركة

    I]
    يــا أنـــاني 00!!؟؟
    [/I]
    :1a (85):
    دلو مرة رميت شوقي
    علي الوحده وع التنهيد
    ونام الخد علي كفك
    وسرحنا سوي لبعيد
    ورسمت الفرحة في عنيا
    حلم قلبي بيوم العيد
    فبانت بسمة خلانة
    رخيت رمشي
    تقول يا قاسي لقلبي
    ما تحلمشي 00!!
    أنا هامشي
    نسيت شوقي وحناني
    ظلمت حبي وظالمني
    وبتقولي أنا الجاني
    ياقسوة قلبك الجامدة
    يا ناكر حبي يا أناني
    ما هو الفرق اللِّي ما بينا
    سماحة نفسي ووجداني
    إن قلت يا روحي سمحيني
    راح أسامحك
    وأبدءأحبك من تاني
    http://www.rabitat-alwaha.net/moltaqa/showthread.php?t=57594

  2. #12
    الصورة الرمزية نادية بوغرارة شاعرة
    تاريخ التسجيل : Nov 2006
    المشاركات : 20,306
    المواضيع : 329
    الردود : 20306
    المعدل اليومي : 3.21

    افتراضي

    اقتباس المشاركة الأصلية كتبت بواسطة الشربينى خطاب مشاهدة المشاركة

    فلاح فصيح
    وسمعت صوتك
    يا حبيبتي
    وانت بتندهيلي
    اكتب تاريخك
    علي حجر رشيد
    فرحت أجيب القلم
    من العلبة أزمير
    وقلت لايدي
    وانت بتكتبى أول نشيد
    قولي لحبيبتي المخلصة
    كل أغاني العاصفير
    *****
    مع كل دقة بالشاكوش
    رتيبي المشاوير
    وازرعي
    كل شطوط الغدير
    ورد ونخيل
    تلقي المسافات
    اتحددت بين السطور
    ألأب حابي
    في أعالي النيل
    عاشق نجمة
    الشوق اليماني
    وألأم مصر إيزيس
    اللي مجنناني
    لما خطبها سدنا العالي
    نزل شوقها فيضان
    وخيوط دهب و حرير
    *****
    فاتولدت أنا من تاني
    علي جدران المعابد
    والأهرمات
    ونسجت من خيوط الشمس
    مواويل وآهات
    ورسمت القمر مكسوف
    علي خدود البنات
    وزرعت أرضك وليلك
    القمح والنجمات
    ******
    في الضلمة قلبي دليلك
    وشراعك ف نوة ريح
    وغنوة هوي صيف
    ترطب قلوب مجاريح
    فاكتبي اسمي عصفور
    في صفحة تاريخ
    وقولي للخلايق
    إن البداية والنهاية
    في كتابة النور
    كان فلاح فصيح

  3. #13
    الصورة الرمزية نادية بوغرارة شاعرة
    تاريخ التسجيل : Nov 2006
    المشاركات : 20,306
    المواضيع : 329
    الردود : 20306
    المعدل اليومي : 3.21

    افتراضي

    اقتباس المشاركة الأصلية كتبت بواسطة الشربينى خطاب مشاهدة المشاركة

    مقالب زمــــــــــــــــــااااا اااان
    نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي

    صوت الأذان يا بلال
    قلده ديك سهران
    وحَّا الفراخ في العشة
    تبدأ في الصحيان
    قبل الشمس ما تطلع
    أو صبحها يبان
    ****
    سابوا لصاحب الخزانة
    البيض من غير بذرة
    أو حتي كتكوت هفتان
    قالوا ف جلسة ومناظرة
    سبب القلب التعبان
    صاحب الخزانة نايم
    مش داري بالهربان
    العشة سكنها تعلب
    متصاحب علي تعبان
    خدعوه بحتة مقلب
    كان عمله فيهم زمان

  4. #14
    الصورة الرمزية نادية بوغرارة شاعرة
    تاريخ التسجيل : Nov 2006
    المشاركات : 20,306
    المواضيع : 329
    الردود : 20306
    المعدل اليومي : 3.21

    افتراضي

    اقتباس المشاركة الأصلية كتبت بواسطة الشربينى خطاب مشاهدة المشاركة
    وحدووووووه
    بعد التعب مرتاح
    نايم علي اكتافي
    فيه ف السما افراح
    ملايكه كتير شيلاني
    لمَّا الغراب قام ناح
    حان الأجل وأواني
    ****
    يا رب يا مجيب الدعا
    يا عالم بأحوالي
    خشبة شايلها أربعة
    مسكين صُرعي ولجامي
    ماشيه و متسربَّعه
    شايله البعيد الفاني
    عريان من غير بردعه
    زي أمي ما ولداني
    *****
    سايب عيالي ومراتي
    ورزم مالي وخلاّّني
    دفنوني وحكموا الغطا
    حتى العزا حلاواني
    ماجابوا شيخ قرُّوه
    ولا قالوا وحدوووه
    يا خلق شوفوا المره
    من تاني يوم نسياني
    لابسه و متزوقه
    ومنشِّنه ع التاني

  5. #15
    الصورة الرمزية نادية بوغرارة شاعرة
    تاريخ التسجيل : Nov 2006
    المشاركات : 20,306
    المواضيع : 329
    الردود : 20306
    المعدل اليومي : 3.21

    افتراضي

    اقتباس المشاركة الأصلية كتبت بواسطة الشربينى خطاب مشاهدة المشاركة
    حضن الأم
    حضن يساعك
    يا ولدي
    ويساع الكون
    نايم يا فوزي
    علي اكتافك
    فين ما تكون
    دا حضن الأم
    يا صاحبي
    براح وحنون
    تحضن بكره
    و صغارها
    بنظرة عين
    لا شوك جفا
    يمنعها
    ولا حتى
    خوف وأنين
    تنسي آلامها
    و أوجعها
    وحزن دفين
    ****
    تاخد بلهفة
    ف احضانها
    غلبان مسكين
    محتاج حنان
    وتتهدد
    شمال ويمين
    محتاج ترتاح
    وتتمدد
    بين الدرعين
    وإذا كنت عاوز
    الجنة
    ما هي الجنة
    بين القدمين
    لأبن صالح
    وفْي
    نال رضا
    الوالدين
    ***
    طب بس إنت
    ادعي لها
    من قلبك
    دعوة أو اتنين
    وأنا أرفع
    إيدي للمولي
    ودمع العين
    أقول من قلبي
    وأردد
    يا رب آمين

  6. #16
    الصورة الرمزية نادية بوغرارة شاعرة
    تاريخ التسجيل : Nov 2006
    المشاركات : 20,306
    المواضيع : 329
    الردود : 20306
    المعدل اليومي : 3.21

    افتراضي

    اقتباس المشاركة الأصلية كتبت بواسطة الشربينى خطاب مشاهدة المشاركة
    فلفسوف بصحيح

    مبسوط يا عم
    انت وهو
    من تحت راسكم
    وراس جحا
    أكلت علقة سخنة
    من غير سبب
    فوق الرصبف
    ****
    أنا كنت واقف
    ذي غير
    في طابور طوله
    يجي ألف ميل
    بشتري لكوم العيال
    وامهم كم رغيف
    ****
    فشفت حمار عفي
    يشبه حمار جحا
    جارر في كارو
    متزوقة
    ولابس نضيف
    أنا قلت أداعبه
    وأذيح عن قلبي
    حبة هموم متكومه
    فخرجت
    من الصف السخيف
    ****
    وهمست
    في ودن الحمار
    : علفك في مخلة
    متعلقة في طوقك
    يا حظك يا بختك
    مين هو بسْ
    اللي جاب هولك
    لحد عنك
    تاكل براحتك
    لمَّا تشبع
    مين فينا حظه
    يقدر يطولك
    ****
    بصراحة حسدته
    همَّه علي بطنه
    ومش شاغل روحه
    بكم قضية
    من غيظي قلت
    محظوظ يا حمار
    عندك لمشاوير عربية
    مش محتاجة بنزين
    وسواق يسوق لك
    ابن أصل دمه خفيف
    *****
    إبن اللذينّا
    العربجي
    عفاريته قالت
    كربجي
    ضهر الأفندي
    اللي فاكر
    نفسه ظريف
    كسلان بليد أرزقي
    طول عمره نايم
    في الخلا والريح
    لو فاكر نفسه
    فلفسوف بصحيح
    يخبز في داره
    لقمته
    بدل ما يقول
    لحمار جحا
    كلام سخيف

  7. #17
    الصورة الرمزية نادية بوغرارة شاعرة
    تاريخ التسجيل : Nov 2006
    المشاركات : 20,306
    المواضيع : 329
    الردود : 20306
    المعدل اليومي : 3.21

    افتراضي

    اقتباس المشاركة الأصلية كتبت بواسطة الشربينى خطاب مشاهدة المشاركة
    حب ليلة صيف


    لمَّا حبيبي هجرني
    ع البعد ونساني
    دبل ورد الخدود
    فرسم لي أحزاني
    امتي الهوي يعود 00؟
    يا اللي انتي نسياني

    ****
    بينا كلام وعهود
    وآمال كتير ووعود
    لمَّا الربيع يرجع
    يحمرِّوا من تاني
    دعيت و قلت يا ربي
    كل البنات عشقاني
    لكن انتي توأم روحي
    وانتي اللي أسراني

    *****
    فحلمت ليلة صيف
    طيف م السما جاني
    معاه أنوار وملايكة
    جايبه النهار بدري
    وملونة خدوده
    إشي أحمر
    وإشي بمبي
    ومزوقه عوده
    بسمار ولون خمري
    ومنبِّه ع الشمس
    تفضل هنا جنبي
    جايبه حبيب الروح
    اللي هجر قلبي
    يسقي الهوي المجروح
    حنيَّة وماء وردي

  8. #18
    الصورة الرمزية نادية بوغرارة شاعرة
    تاريخ التسجيل : Nov 2006
    المشاركات : 20,306
    المواضيع : 329
    الردود : 20306
    المعدل اليومي : 3.21

    افتراضي

    اقتباس المشاركة الأصلية كتبت بواسطة الشربينى خطاب مشاهدة المشاركة


    إدعي لي والنبي


    ساعة الرحيل يا أمه
    مش كنتي وعداني
    طيفك يجي يزورني
    ليلاتي في أحلامي
    أهو عدا عمري يجري
    ولا أنتي فاكراني
    تكونيش زعلانه مني
    طب ليه بقي نسياني 0؟
    ****
    لمَّا الربيع جه زارني
    زوِّد لي أشجاني
    قام ورده باس خدي
    نزلت دموع أحزاني
    ****
    أحلم كتير وأنا صاحي
    وأمشي وأكلم روحي
    لمَّا الخلايق لموني
    قالوا دي عين وصابتني
    ادعي لي والنبي يا أمه
    ناس كتير حسداني

  9. #19
    الصورة الرمزية نادية بوغرارة شاعرة
    تاريخ التسجيل : Nov 2006
    المشاركات : 20,306
    المواضيع : 329
    الردود : 20306
    المعدل اليومي : 3.21

    افتراضي

    اقتباس المشاركة الأصلية كتبت بواسطة الشربينى خطاب مشاهدة المشاركة

    الدور 00 الدور

    ما فضلش
    من الشجر
    المتعري
    غير ورقة
    توت
    مدارية الخوف
    الجدر بموت
    وولاد الأيه
    كسروا النبوت
    ***
    وأنا قال
    في وسط العتمة
    مكسوف
    من ضلّي
    قال يعني خيالي
    وشْ كسوف 00!!
    خايف من إيه00؟
    من حبة نور 00؟
    لتشوف خوفك
    وكسوفك
    و لونك المخطوف
    ****
    نن عينك
    الراكع مذلول
    علي سدرك
    مش ده ضلعي
    و درعك
    الحامي لقلبي
    ولقلبك
    أهو راخر
    مكسور
    ****
    وأنا وإنت مرمي
    في الكون
    الدامي
    قلبك حامي
    وأنا قلبي مجروح
    فاقد روحي وعزمي
    كلي حبة عضم
    علي كوم
    الشقي و الهم
    متلقَّح مرمي
    كل الملموم حواليَّا
    كم ديب مسعور
    بيسعفوا فيَّا
    وحبة غربان وحدادي
    ف السما بتدور
    تصرخ وتنوح
    مستنظره موتي
    لمَّا أفقد ذاتي
    إصحي وفووق
    الظاهر أنا وإنت
    يا صاحبي
    اللِّي علينا الدور

  10. #20
    الصورة الرمزية نادية بوغرارة شاعرة
    تاريخ التسجيل : Nov 2006
    المشاركات : 20,306
    المواضيع : 329
    الردود : 20306
    المعدل اليومي : 3.21

    افتراضي

    اقتباس المشاركة الأصلية كتبت بواسطة الشربينى خطاب مشاهدة المشاركة

    الله وأكبر

    الله وأكبر
    من عنيكمْ
    ياللِّي بتعدُّوا
    اللِّي جالنا
    بالحواسب
    وصوابع إيديكمْ
    ****
    من الحسد
    وعين عزول
    قلبي
    فقد صوابه
    واتقسم فلقتين
    ارقيني بسرعة
    يا امة
    بالكرسي
    وسورة ياسين
    ****
    خرَّمي جسم
    الليِّ حاسد
    وعنين حتى
    اللي جابه
    شفتوا قلبي
    واللِّي نابُه
    يا أخوانَّا
    دا حرام عليكمْ
    ****
    اللي قبلنا
    كانوا قالوا
    ما يحسد
    المال الكتير
    إلا ناسه
    أو صحابه

صفحة 2 من 7 الأولىالأولى 1234567 الأخيرةالأخيرة

المواضيع المتشابهه

  1. صفحات الأديب و الشاعر صبحي حواش رحمه الله تعالى .
    بواسطة نادية بوغرارة في المنتدى مُنتَدَى الوَفَاءِ لَهُمْ
    مشاركات: 19
    آخر مشاركة: 30-05-2011, 07:19 PM
  2. موسوعة اليهود واليهودية والصهيونية للمفكر الكبير الأستاذ المسيري رحمه الله تعالى
    بواسطة د. مصطفى عراقي في المنتدى المَكْتَبَةُ العِلمِيَّةُ
    مشاركات: 4
    آخر مشاركة: 05-03-2010, 07:10 AM
  3. فضل ذكر الله تعالى متجدد إن شاء الله تعالى ..
    بواسطة حسنية تدركيت في المنتدى الحِوَارُ الإِسْلامِي
    مشاركات: 2
    آخر مشاركة: 28-03-2009, 07:11 PM
  4. مقالات للمفكر الكبير فقيدنا الغالي الأستاذ عبد الوهاب المسيري - رحمه الله تعالى -
    بواسطة د. مصطفى عراقي في المنتدى الحِوَارُ المَعْرِفِي
    مشاركات: 11
    آخر مشاركة: 26-11-2008, 11:14 AM
  5. مشاركات: 20
    آخر مشاركة: 16-05-2006, 10:21 PM