مفيش فايده ....آســـف!!!!!
بدَّور عليك يا قلبي يا خايف
وادوَّر على نفسي مش قادر القا
لا عمري اللي عدا
ولا عمر قرب
ولا حتى دمعه
ورجفة شفايف ...!!!!
غريب وانت ديما بتنزف وجودك
وتحلف بانك
تغير حبايبك
وترسم ملامح جديده لحدودك
وتكتب بدمعك
قرارك وحالف
على صفحة تانيه
مفيش فيها أحمر
مفيش فيها اسود
مفيش فيها حتى
ولا سطر واحد
يكونلك دليلك
يكون هو عارف ....!!
وتبدا ولكن
يخونك كلامك
ما بين حلم عدا
وبين حلم واقف
ما بين كف كانت
بتمسح دموعك
وبين كتف يسند في جرحك يداوي
وع الغدر ناوي
وبين غنوه مقتوله فوق كف عازف
بتبدأ بضحكه
وتهرب بسرعه
بعيد عن عيونك
فتبكي وتصرخ
بصدمة فراقهم:
دا انا كنت حاسس
انا كنت شايف .....!!
مفيش فايده لازم
تعيش وانت وحدك
عشان مستحيل تبقى موجه ومرسى
وغيرك بيقسى
مفيش حد فاضي
عشان يبقى حُضنك
مفيش حد غيرك بيحلف ما ينسى
تتوه مني تاني
عشان زي ما انت
بتعطش لغيرك
ومنتش أناني
تِتوه مني تاني
وادور
وادور
وألقاك بتبكي
لوحدك وخايف
الومك
تقولي :
مفيش فايده آسف
رد مع اقتباس