مين كان يصدق
م النهاردة الثورة هاتزيل الغبار
اللى ياما خلى الجد
ف العيون يصبح هزار
المحاكمة كانت الحلم
اللى داعب عيون المكلومين
أم الشهيد والجريح والمظلومين
مين كان يصدق إن فرعون القصور
واللى كان بيتجهز عشان يطوى العصور
واللى باع الأرض والتاريخ خلف السطور
كلهم ف السجن داقوا المر
والعين شافتهم طقطقت نارها الشرار
الذل راكب ع الجبين
مكسورة أنف الملعونين
وتلف كاميرات الصحافةوتنتقل
صورة حقيقة مش خيال
والحزن أصبح منتعش
حتى المآسى ف صبحها
قامت ولازم تنتفش
الجلسة الأولى
قرار الأتهام
فرعون: قتلت المقهورين
ونهبت أموال الغلابة المحشورين
ف الحارة وتحت سلم والعشش
حتى ف أكلهم متسرطنين
فرعون : زورت أنتخابات الأرادة بالحديد
ومليت سجونك م الفوارس
واشتهيت الحكم يطول ف الحياة
عمرك مديد
جهزت مجنونك لحكم الشعب
والتأييد جه من باريس
من واشنطن قبل روما
بعد لندن والعديد
فرعون : الناس عشانك ف الشوارع
والبيوت والقهاوى بتنتظر
يومك ويوم اثنين من الأقزام
وأذناب الخيانة والظلام
الحكم مهما ف المرافعة أتنمقت
ومهما قالوا ف البراءة أتحندقت
المولى ينصف ف العباد المغلوبين
ف الدنيا قبل يوم الحشر والصحف
متنشرين
رد مع اقتباس
