الصندوق الأسود لوطن - جلال عامر

الصندوق الأسود لوطن

بقلم جلال عامر ٢٧/ ١١/ ٢٠١١

فى هذه الظروف الملتهبة وبناء على طلب الجماهير وحتى تتعظ جميع الأطراف، نعيد نشر ما كتبناه قبل سقوط مبارك بأسابيع (٢٧/٩/٢٠١٠): (تفريغ الصندوق الأسود لوطن يطارد المخلصين ويحتفظ بالمنافقين.. أصوات متداخلة - البلد بتغرق يا ريس - ما تخافوش هات يمين شوية يمين كمان - نزل دراع قانون الطوارئ - الحق دارى على الفساد من عندك - البلد بتغرق يا ريس- خلاص عرفنا.. هات فتحى هنا على المنصة- لأ لأ صفوت الناحية التانية - البلد مالت يا ريس - هات الأمن المركزى يقف قدام - إوعى حد يغير مكانه-

ثبتوا الاحتكارات فى مكانها - هاتوا البورصة فى النص - البلد بتغرق يا ريس - هات وشها ناحية شرم الشيخ - يا صفوت سيب المجلس الأعلى للصحافة اللى فى إيدك يقع واضغط على زرار الشورى - البلد بتغرق يا ناس - مش عايز دوشة احبس لى الصحفيين دول تحت فى الكابينة - عايزين نخفف الحمولة، دول ضيوف مش ركاب، ارميهم - الأفضل نحرق الأقباط - صوت مذياع: ريسنا ملاح ومعدينا، عامل وفلاح من أهالينا - خلاص ارموا البنك ده فى الميه وخلصونا من الشركات - فيه تسرب من الأجناب - التسرب موجود فى العالم كله وماحدش بيموت ناقص عمر واحنا أقل نسبة تسرب - نعمل وقفة احتجاجية على سلالم المركب - المركب بتغرق يا ريس - لكل أجل كتاب -

فعلاً يا ريس اللى يغرق يغرق إحنا مش مغسلين وضامنين جنة - كتفوا الفضائيات تكتيفة حلوة - الناس بتسرق الحاجة من المركب وتهرب - سيبوهم دى أرزاق مقسمها الرزاق - أنا باقول نستغيث - الاستغاثة مرفوضة لأنها تدخّل فى شؤوننا - الجماعة اللى بيصرخوا ورا سكتوهم بعلاوة - إيه دى؟ - دى صناديق انتخابات متستفة - ارمى ارمى خلصنا، مش عايز أشوف قاضى قدامى - اسحل لى الجماعة دول ومش عايز تصوير - صوت هامس: المركب غرقت يا ريس والقارب بتاعنا جاهز - وح نعمل إيه فى البلد دى؟ - تتنيل تغرق إحنا ربنا يرزقنا ببلد تانى نكمل فيه البرنامج - المركب بتغرق يا ريس - بالعكس يا ريس دى فى منتهى الاستقرار - أمال بتتطوح ليه؟ - فرحانة بالإنجازات.. صوت راكب يغنى: «فاصوليا بيضا ومنين اجيبها»).. بعد تفريغ الصندوق استمعوا إلى صوت العقل واعتصموا بحبل الله والوطن.

بعد تفريغ الصندوق استمعوا إلى صوت العقل واعتصموا بحبل الله والوطن.

سأكتفي بهذه الجميلة لأنعش روحي بهذا التفاول الكبير
بقدرة مصر وشعب مصر على تجاوز العاصفة

ونسأله تعالى الخير والأمن والأمان لمصر العروبة

تقديري الكبير للرائعة المصرية رنيم

كذب الذين ادعوا بغرق المركب، أو أن المركب التي تعنيهم ليست هي التي تعنينيا، فمركب الوطن اتخذ لنفسه خط سيره بثبات، وهو مركب قوي متين البناء قادر على مخر عباب البحر وإن يكن هائجا، وسيصل مرافيْ الأمن مهما حاولوا تعطيله

شكرا للفراشة اختيارها، ونص ينبض بالواقع آماله وآلامه

تحيتي

سأكتفي بهذه الجميلة لأنعش روحي بهذا التفاول الكبير
بقدرة مصر وشعب مصر على تجاوز العاصفة

ونسأله تعالى الخير والأمن والأمان لمصر العروبة

تقديري الكبير للرائعة المصرية رنيم

نعم أستاذة زهراء مصر فوق العواصف
وفوق فراعين الذلة ممن يدَّعوا أن شأنهم أمن مصر وأمان شعبها
مصر الآن تحتاج دعاء كل عربي حر
شكرا كثيرة لتواجدك الراقي ودعمك
تحيتي الخالصة

كذب الذين ادعوا بغرق المركب، أو أن المركب التي تعنيهم ليست هي التي تعنينيا، فمركب الوطن اتخذ لنفسه خط سيره بثبات، وهو مركب قوي متين البناء قادر على مخر عباب البحر وإن يكن هائجا، وسيصل مرافيْ الأمن مهما حاولوا تعطيله

شكرا للفراشة اختيارها، ونص ينبض بالواقع آماله وآلامه

تحيتي

نعم سيدتي المركب واحد ورغم ثورة الأمواج سيحط بسلام إن شاء الله وتعود لمصر أمجادها بعد التخلص من فلول الفساد
شكرا لك حضورك المائز ودعمك المستمر
تحيتي الخالصة

السلام عليكم ورحمة الله وبركاته

مازال بالصندوق الكثير لان محتواه كله لم يطرح بعد وجاري تفريغ الباقي


شكرا استاذتنا الكريمة علي انتقائك

تحياتي

السلام عليكم ورحمة الله وبركاته

مازال بالصندوق الكثير لان محتواه كله لم يطرح بعد وجاري تفريغ الباقي


شكرا استاذتنا الكريمة علي انتقائك

تحياتي

وعليكم السلام ورحمة الله وبركاته

ننتظر تفريغ الباقي وأن يكون مجرد صندوق أسود وليس حظاً أسودًا غير قابل لتغيير اللون
ليس يأساً ... أبدا
ولكن ترقب بحذر للآتي
تحيتي