يالا نصحـــــي
يالا نفــوق
نسيبنا
من دنيا المناظــــــر
يالا نرجع
بسمة راحـــت
ونمسح الدمع
م المحاجـــر
يالا نسيب
النوم في العسل
وندخل بقوة
في قلب المخاطر
تعالوا نرجع
لينا كرامتنا
نحفر بايدينا
الصخر ونعافر
تعالوا نقول
للغلط لأ
واللي يعمل صح
نقول له شاطر
بلاش الضرب
تحت الحزام
بلاش نحقد
علي بعض ونتآمر
الدين واحد
واللغة عربية
والرب واحد
سبحانه قادر
الدنيا
مش كلها دلع
الدنيا
هي العزيمه م الآخر
قالت زمان عدوتنا ..
هتغلبونا
يوم ما تصلوا
الفجر حاضر
فيها ايه
لو رجعنا لربنا
وسبنا طريق
الشيطان الكافر
فيها ايه
لو قرينا للسلف
لو اليد في اليد
تمسك وتتضافر
فيها ايه
لما نملا الجوامع صلا
نحاذي المناكب
بدل ما نتنافر
فيها ايه
لما نمسح كلمة غش
ونسهر ع الكتاب
بجد ونذاكر
احنا بين ايدينا
قران كريم
يخلينا
بين الامم نتفاخر
نتعلمه ..
نقراه ..
نحفظه
نطبقه
من غير م نتظاهر
ساعتها
هنملك الدنيا بايدينا
وهنسعد مؤكد
ف اليـــوم الآخر