بَـكَـلِـمْـنـى ..!!

تايه مكانك وف كلامك
مش مُريح
شادد لجامك فوق لسانك
قولى إمته
هـ تستريح؟
دابح جروحك
كُتر بوحك
مدفون ودافن
نور طموحك
فى الضريح
قلبك معَشِشّ فيه
قساك
فرحك مَعِشتِش بيه
نساك
مين اللى بالأوجاع
ملاك؟
جرجر حياتك
للهلاك
خَلّى الأمل جوّاكْ
كسيح
ضايقه ف عنيك الدنيا
ليه والكون
فسيح !؟
دايبه ف هواك الأههَ
ليه والخوف
فصيح !؟
سامع نِدى عمرك
غُناهْ عمّال
يصيح
عايش ومش لاقى
الحياه
مصلوبة فيك روح
النجاه
تايهه معالم سِكِتَك
والحزن صوته مسكِّتَكْ
طب فين هتمشى خطوتَك
وإنتا الجريح .؟
يالِ الحياه جواك
عَدَم ورماد وريح
انفض همومك والحق الباقى
ف ملامحك م الدَّبيح
انسى اللى فات
والذكريات
اهدِم ممالِك وحدتك
وامحى السُكات
اطمس معالم شكوِتَك
وابدأ بداية رحلتك
كُتر البُكا ما يفيد
ولا
بيحيّ اللى مات

عايش ومش لاقى
الحياه
مصلوبة فيك روح
النجاه


قصيدة رائعة بكل المعاني
تستاهل التعليق وليس التثبيت

فقط
دمت مبدعا رائعا اخي المبدع احمد فؤاد هاشم رغم سرعتها الصارعة

كُتر البُكا ما يفيد
ولا
بيحيّ اللى مات

صدقت والله
ولو كان بيحيي اللي مات لجعلنا الناس تسبح في يم من الدموع
رائع وأكثر شاعرنا المكرم
خالص التحايا

عايش ومش لاقى
الحياه
مصلوبة فيك روح
النجاه


قصيدة رائعة بكل المعاني
تستاهل التعليق وليس التثبيت

فقط
دمت مبدعا رائعا اخي المبدع احمد فؤاد هاشم رغم سرعتها الصارعة

أستاذى الحبيب
شاعرنا الألق
الطنطاوى الحسينى

لا يوجد أروع من مرورك أيها الحبيب
أكرمك الله وثبتك على طاعته وأسعدك فى الدارين
بقدر ما أسعدنى مرورك هذا الجميل
لا عدمتك ابداً أستاذى
دام دفعك ، ولك البشرى

كُتر البُكا ما يفيد
ولا
بيحيّ اللى مات

صدقت والله
ولو كان بيحيي اللي مات لجعلنا الناس تسبح في يم من الدموع
رائع وأكثر شاعرنا المكرم
خالص التحايا

أديبتنا المكرمة
رنيم مصطفى

لا يفيد البكاء ولا يعيد من مات ، ومثل ما قلتِ
لو يحى البكاء الموتى لأغرقنا الأرض بكاءاً
وجعلنا الناس يسبحون فيه ، ربما يعود من .. رحل
أشكر لكِ مرورك وروعته ولا حرمنا منكِ أبدا
تحيتى وتقديرى

الرائع أحمد فؤاد هاشم

قصيدة عدت عليها مرات أستعيد هذا النبض الحيّ يستحيي قلوبا استكانت للموات
ومعان سامقات
وجرس ماتع ماتع

أهلا بك في واحتك

تحاياي

السلام عليكم ورحمة الله

شاعرنا الفاضل

عمل مكتمل الاركان بكلمة وجرس ومعني ومضمون

سعدت بتواجدي في بستان كلماتك

تقبل مروري وتحيتي

نص جميل المعنى والمبنى يبعث على الأمل والتفاؤل

لك خالص تحياتى

كلمات رائعة وجرس جميل كله أمل

شكرا لك

كُتر البُكا ما يفيد
ولا
بيحيّ اللى مات

===

صدقت أيها الشاعر البارع المُجيد .

المبدع أحمد فؤاد هاشم ،

تألقت هنا كما دائما .