راب من تأليفى

عند رابعة العدوية وف ميدان النهضة
ف الساحات ف الشوارع والبيوت .. وقدام الحرس .. والرئيس أسير
الناس .. الجموع بأعلى صوت .. الرئيس .. هيرجع .. ولو نموت
عند رابعة طفل قمر بيشجع رونالدو وبيلبس فانلة ميسى
ما يلقطوش خالد يوسف ما يعرفوش البرادعى ما بيسمعوش السيسى
عند رابعة ستات م الريف والحضر والنجوع
بنات فى الجامعة بنات ع السنة وفيه ع الموضة ودموع بتئن م الحنين ودموع بتغنى ما فيش رجوع
بالليل وقبل الفجر ينساب البكا بيطول الركوع والتهجد والخشوع والأنين بالدعاء
على سجادة صلا قاعد محمد مرسى مع القرآن
والشباب بيصلوا والسما بتردد ورا الميدان
الصور والملايين والألوف والشهيد ومصحفه والدم اللى ع الرصيف
عند رابعة العدوية وف ميدان النهضة تم اغتيال الخوف
ودحر البلطجية .. مين الخروف ، مين اللى بيموت أعزل ، مين اللى احتمى بالبيادة والدبابة والبندقية
عند رابعة العدوية
ينهار الجدار
تنزاح القيود
أمواج البشر شلالات
عاوزين رئيسنا
هوا حى وللا مات
مرسى حر لشعب ثائر مش عبيد
عند رابعة العدوية وف ميدان النهضة
ف الساحات ف الشوارع والبيوت وقدام الحرس والرئيس أسير
الناس .. الجموع بأعلى صوت .. الرئيس .. هيرجع .. ولو نموت
هيرجع ولو نموت