قصيدة : حبة عيال !

حبة عيال !!!
من بدري صاحيين فرحانيين
اللي قام يغسل في وشه
واللي أْكَلْ لُه لقمتين
واللي يحفظ آية حتى
وللا سَمَّع جملتين
....................
فرحة كانت في قلوبهم
وف عنيهم
بس كان غايب عليهم
إن قدر الموت بدايته
بعد كام خطوة ونهايته
يكتبوها وقت ما يضيع الأمان
والقدر واقف هناك
مستني فوق المزلقان
ف ثانية واحدة جه طوفان
يحصد قلوب يحصد كمان
كل أحلام البراءة
والطفولة والإيمان
واللي كان مستني أمه وللا أبوه
مالحقوا حتى يودعوه
في السما طاير على أعلى الجنان
.....................
دايما كده
المصايب يعملوها الكبار
يقعوا فيها العيال
طب قولوا لي
يقولوا إيه باقي العيال
لما شافوا هَمْ أقوى من الخيال
لما شافوا قسوة فوق كل إحتمال
...........................
البراءة والطفولة والجمال
في لحظة واحدة اتجمعوا ويا كراسة
ومصحف ويا لقمة بالحلال
ويا إيد وللا رجل
وللا دراع مقطوع وطار
وسط بركة دم سايله
والسؤال
مين نحاكمه ومين نحاسبه
ومين نعلق له المشانق
ومين هنضرب بالنعال
.......................
إسمعوا دمع الحزانى
واسمعوا المسؤول حدانا
لما يتشملل سلامته
وكام جنيه تعويض عطانا
وللا قام يعمل زيارة للمكان
وللا شَكِْل لجنة حتى للجرايد
وسد خانة
زي ألف وألف لجنة
شكلوها من زمان
خدنا إيه من ناس جبانة
ومين نداين ؟ مين مدان ؟!!!
..................
والمثير
لما قبلوا استقالة من وزير
وأما قالوا كلام خطير
وأقسموا بالله كمان
السبب كان مزلقان
قول فساد قول خيانة
قول إهمال
كل دول مش مهم
حتى اللي ماتوا مش مهم
دول يا دوب حبة عيال
مشاعر : د. هاني أبوالفتوح
الكويت - الإثنين 18 نوفمبر 2012

بعد ما جرحى التئم
عاد ينزف من جديد
عازفاً لحن الالم
انه جرُحٌ عنيد
يا خلى القلب نام
ولتنال كما تريد
لا الطبيب ولا الحكم
بعد ما بتر الوريد

استاذى القدير د/هانى ابو الفتوح
كلمات لامسة منا القلوب
فانفطر الوجدان بمشاعر الاسى وانهمرت منا الدموع فى ساحة البراءه
نشكوا الى الله تقصيرنا فى حق فلذات اكبادنا
ولاكن عزاءنا الوحيد نحتسبهم عند الله شهداء طيوراً للجنه شفعاءووسيلة نجاه لابائهم على الصراط المستقيم
ابدعت فى رسم لوحه شعريه فاضت بالوجع لجلل الحدث وحجم مصيتنا ثبتنا الله وابائهم
اللهم اصلح شئننا كله
ولا تجعل مصيبتنا فى ديننا
ووحد بين قلوبنا
اللهم ارحمهم رحمة واسعه واقبلهم فى عليين
اللهم اسكن قلوب زويهم الصبر والسلوان
وانا لله وانا اليه راجعون
تحيتى فاضلى الجليل
دام ابداعك
ومواكبتك للاحداث
وبالتوفيق

أشكر حضورك الدائم المواكب للحدث
وأثني على نبضك المصري الصميم
بوركت شاعرنا ، ورحم الله من فقدنا من أحلام طفولة بريئة
ندعو لترصد المسئول والمقصر والذي تسبب في تلك المأساه

تحيتي

حمادة الشاعر
أديب ، وشاعر

رحم الله أطفالنا الذين امتُزجت خناطيلهم بالثرى
فنزفت القلوب وفاضت الدموع عليهم
دائما تواكب الحدث في حينه شاعرنا الفاضل
وأي حدث هذا فالمصيبة جلل
تحاياي