شقاوة شباب

وعشان مليش فى التيكى تاكا
وعشان مليش فـ الخد وهـات
فلفصت نفسى بالفتاكة
لميت حاجاتى من سكـات
وقت الهروب محتاج رشاقة
وقت الحروب محتاج ثبات
وعشان بليز من صوت بناتى
عطلت نفسى القطر فات
وحرقت اكتر من سيجارة
خلصت كل التمتمات
ورسمت صورة من خيالى
للحلوة ذى الموناليزا
وسألت لسا القلب خالي؟
ضحكت وقالت اه عزيزة
دورت وشى وهوبه توهت
وسط الجموع وطلعت اجري
اتاريها عمشة وبنت حولة
اتاريها طرمة اااه يا بختى
اتاريها اسود من اوتاكا
وعشان مليش فى التيكى تاكا
وعشان مليش فـ الخد وهات
فلفصت نفسي بالفتاكة
لميت غباوتى من سكات

بقلم / احمد الشهيبى

جميلة جدا بني جعلتني ابتسم لروعتها والمضمون
أضحك الله سنك
ودام ألقك
تحاياي

أضحك الله سنك.. خفيفة ظريفة لطيفة
عذبة الجرس عميقة الحس جميلة الصور
دام بهاء حرفك وروعة معانيك.