مسافات
لما
بينك وبينك
فآصعد
هى دخلتك
وانت الكوثر طميها
نعليك
لا يهز
صدرك
نخلتك
ريحها الغرير
بالقوت
ولا تفتح
السموات
شوارعك
مدخلك للحوت
هى هجرة الموز العفى للبحر
فآصعد
هم رشفتين بالكاس
تماس المنتهى
تنبل هدمة
جتة الفقرا
وتدبل
صفصفات الصدر
بالميه الرحيمه
فيغنى ناااااااااااااااى الصيف
شتاك
تفتح لنا الشباك و
تسمع
هسهسات الآه
سكات
تحت شجر الله
خيام
تحت شجر الله
نبات
تحت شجر الله
عقال
تحت شجر الله
كابات
ولا كانشى صوتك فرحى
حين هبط الكلام الملح
فوق جرحى
ترشق عيون البيادة
فى القفا شبكات
نهرب لمركب
خضركم
عن حصننا
لم فات
ولا حط
للقدم العليله براق
تنهز
له سموات
ولا شق
عود القش بحرى
ضفتينه
آيات
هم اللى راودونى
فكشف
سرك
واجعل عصاتى
سياطى
وفى النزال
حيات
تنزعنى منى اذا
صار الألف
وااااااااااااااحد
تشاكسنى حاء الوحدانية
فى دخلتى
تعلن عليه
نزال
ولا كانشى فى ايدى
الدال
تهشنى
عن نفسى
تحت السجل المطوى بيمينك
تنازع
رغبتى
بوحى
أطلق
عصافير الرؤى المستورة
فك
تل قيودى
واحدفنى فى آخر
آخر
المش
ممكن
عرى لى طين الاسماء
للشجرة طعم خبيث
اذا كان الونيس
من ضلعى
والشاهد اللى
فتح بابك
وقلبه ليك
ما يهمهوش
حواريك
لملم كتابه
وانطوى
حين ما انكوى
طفل اللسان
فى الشدق
والله
ما
لك حق يا سيدى
كل العيال
واقفين على بابك
خدم
يطعنها خنجر
وقفة التراويح
للهمس
همس
الغناوى البكر
بالتواشيح
للحى فينا
ضريح
اذا
صابت سهامه
جريح
اذا
طاشت حرابه ضبابه
و
خرت الحجاب
على باب السجود
وانكشفت الدهشة
لطمى الشوف
لو
كانت أمى
حفظتنى السر
لو كان بإيدى
مفتاحين للباب
لكسرت قفل الغياب
وفرشت
سجادة وجودى
لجودك
لكنهم 000؟؟؟
هم غيروك
حجاب على جنباتى تكتب
دخلتى
أو
خرجتى
بالغيه
لا بالنيه
فيا
غيروك
بالظاهر الظاهر
لعينهم
لا
لذاتك
طول عمرى كات
سجادتى فى سحابك
سحابك
وجنونى فى بعادك
بعادك
وحريقى لحظة
كل ما اقرب
منك
ووصالى
مابين الهوى
والصد
لك منى مليون
رد
لو
طليت
وبديت
لحولى الضعيف
ولا اندك الجبل
ولا خار
ولا طار
بإيدى العجوزة
عصفورين الطين
لحظة ينادونى
ينادوك
هم غيروك
فخايلتنى
بمراية اللى اعرفه
خايلتكم
بمراية الجهال
هم
جهلوكم بيا
ما
عرفونى
لكنهم
هم
عرفونى بيا
حين
جهلونى00