الخروف
الخروف
*** قالوا خروف .. بِسْمَع كلام خرفان .
*** شكله مريض .. باين عليه تَعبان .
*** تمشي وراه .. تبقى صحيح إخوان .
*** صوتك يبان .. عيني عليك خسران .
*** قال الفلول .. احرق وقول غضبان .
*** واكدب كتير .. خلي الأمير حيران .
*** واجمع معاك .. جنب اللصوص غربان .
*** فبرك كلام .. يبقى الحرام عنوان .
*** زوّق زعيم .. مجرم لئيم شَيطان .
*** فاسد وكان .. خاين أكيد تِعبان .
*** بتحب مصر .. طب ليه تعيش هربان .
*** بِعت الأصول .. ضاحك عليك جربان .
*****
*** قال الخروف .. اصبر عشان تنصان .
*** أصل الخروف .. عُمْرُه ماكان كسلان .
*** مصري أصيل .. قلبو ملان إيمان .
*** رافع شعار .. أجمل نهار هيبان .
*** ماشي بضمير .. راضَى اللي كان زعلان .
*** نادى وقال .. كل الولاد جدعان .
*** عايز تكون .. ولـّا تعيش منهان .
*** ضحكوا عليك .. خلوا السنين قطران .
*** آن الأوان .. يصحى وكان نعسان .
*** الظلم مات . فاتح كتاب رحمن .
*** حلموا بسيط .. عايزك تبات شبعان .
*** ماعدش نوم .. هفضل معاك سهران .
*** نحمي الحدود .. نبني الحياة ألوان .
*** أزرع معاك .. ونعلـّي في البنيان .
*** عاش الخروف .. وارجع معاه إنسان .
*** عاش الخروف .. وارجع معاه إنسان .
*****
رد مع اقتباس
أسعدني بإضافة facebook 
