لَيْل وأوضَه مَنْسِيّة
لَيْلِ وْأوضَا مَنْسِيِّه
يِنْبُتْ فِي جَنْباتَا الغَارْ
وْحِلْمِ صْغيرِ بْقَلْبِ تْنينْ
عْيونُنْ تِلْمَعْ بالأَسرارْ
يْقُلاّ بَدّي جِبْلِكْ نَجْمْ
يِملا دِنْياتِك أَنوارْ
وْمِنْ بُستانِي جِبْلِكْ زَهْرْ
يِفْرُشْ دَرْبِكْ بالنوّارْ
وبدّي أَهديكي هالقَلْبْ
يِكْتِبْ عَسطورِك أَشعارْ
وْهالبِنْتِ التَفْتَتْ للشبّ
وْمَدِّتْ إيْدَا بالأَزهارْ
وْقالِتْلو يِسلَمْ هالقلْبِ
الْخَلاّ أحْزانِي تِنْهارْ
وْخَلاّ الفَرْحِ بْروحِي يْدِبّ
وْتُرْقُصْ فِي توبي لِزْرارْ
لَعْيونَكْ رَحْ يِبْقَى الحُبّ
بْقَلْبِي سَاكِنْ ليلِ نْهَارْ
وْرَحْ تِبْقَى هَمساتِ الشّوقِ
تْرِفّ بْقَلبي شو ما صار
وِتْظَلَّكْ مالِكْ هالقَلْبِ
وْفارِسْ أحلامي المِغْوَارْ
رد مع اقتباس
المشاركة الأصلية كتبت بواسطة محمد كمال الدين
