الشَّعب العربي الفهمانْ
واعيْ وعالسِّياسةْ خرْمانْ
بِحللْ أكبرْ مصيبةْ
ما يقدرْ عليها الألمانْ
بقْعُدْ قِدَّام الأخبارْ
تايعرِفْ شو الّي صارْ
جنبهْ أرقيلةْ وشايْ
عالأطلالْ يا عيني طربانْ
بِروحْ عالشّام وبِروح عمَصُرْ
وبصلّي بأرضه الظُّهرْ والعَصِرْ
وتْمُدْ السّهرة لحد الفجِرْ
وقبل الفجِرْ ينامْ
بيقلّكْ آني نعسانْ
شَعْبٌ عربيْ يا حبيبي
مافيهْ غَبيْ يا حبيبي*
يِفْهَمْ كُلْ شي يا حبيبي
صارْ الّي صارْ
وَلّعها نارْ
رفعو الأسعارْ
والكرسي طارْ يا حبيبي
الكلْ بيذبحْ زي الخِرفانْ
واعرفنا إنّه الذَّابِحْ والخروفْ إخوانْ
سألنا عنهمْ !....قالو مِن زَمانْ
هذا طَبعْ راسِخْ عند العُرْبانْ
كيف بِدّكْ ! ..إنجيبْ الغريبْ يذبحنا؟!
ما في أحلى مِن ذبحةِ الإخوانْ
هذا عادي عند الزُلُمْ والنّسوانْ
يبدو إنّك يا إبني بتفكِّرْ حالكْ فهمانْ!!!
قُلْتِلْهُمْ آنيْ فهمانْ
اصلي ..اصلي عربي
بسْ عايشْ عند العُجْمانْ
عدنان الشبول
( لهجة أردنية ريفية)