السلام عليكم ورحمة الله وبركاته
دنيا كتلة من المأسي
فصلوها على مقاسي
قولوا ليه ماتت قلوبكم
يلي لزقين ع الكراسي
مصر هى هى مصر
الريادة لكل عصر
قولوا ليه هانت عليكم
يلي بتعصروها عصر
شمسها كحل ومداين
أرضها عطر وجناين
قولوا ليه هرين جروحها
بدلتوا الخضرة بقماين
داعلماني ونفسه تقلع
ليبرالي عايزها تولع
واللي سلمناه رقبنا
كل همه نجمه يلمع
قوم يامصري علي صوتك
لو سكت يبقى موتك
العدو جوه وبره
كل همه انه يدوسك
مصرنا دولة سيادة
غرقوها قهوة سادة
موش كفاية سجنتوا روحنا
داالمرار طافح زيادة
لا يصح إلا الصحيح
حقنا واضح صريح
خير بلدنا عشان ولدنا
والعدالة شىء مريح
كلنا لنا رب واحد
والطمع له قلب جاحد
الكفن ملوش جيوب
في الجحيم لو كنت لاحد
(صرخة انثى)