لسه بتبص في عنيها متلاقيش كلام /هيا هيا/بس ناقص لما يجي الباص ينزلها يلاقيك ولد عمرك تسعتاشر سنة وخجول /خايف يقول /هو ايه معنى الكلام اصلا دنا اللي عنيا فاضحاني سبع مسافات بخبيكي ومفيش فايدة/ يموت الموت وانا لسه فعنيكي بموت /لكن فسكوت بجب عيونك السودا /وبرسم كحلهم الوان سما تامنة مخبياكي عني سنين لتتأكد /تكونش نبوته عيره/ وجايز يرتقي الواصلين/ مدد. يا وردة الخدين /دنا ا اللي ماطلت عنّابها/ وانا عاكف على بابها/بشاهد حسنها المعبود/ وبطمن على وجودها اللي مالو وجود/لكن موجود
سمرا وملفوفة/ ومسكونة خمستاشرسنة فااتوا /وجنيه ومجنونة /ومعجونة بحنيه/ وطابع حسن نصه من بلاد بره ونصه التاني يا قمرا شقاوة مصر/وانا العطشان
لمش عارف وحعرف ليه مادمت صاحبت صبّارك شاهدت الصبر/أنا اللي من الصبا جاركلباب القبر
وانا محطة في مشوارك بتتباركي بأوجاعها ساعة ما تقولي يلا حروح
وانا أيوب مسافاتك انا اللي سهرت لعنيكي يجي مليون مِسا فاتك وانا اللي عمري لو جيتي ما اقولك ده الزمن فاتك
أنا اللي فتحت قلبي محل وطوب الأرض جاب مالأرض واداني وانا يا خلق رباني فمتكلمش واتحمل
انا اللي فعتمتي مكمل
أنا الدرويش بشوف الشوف ويصحا يقولي ما شفتوش
انا مش زيهم مغشوش وبستهبل أنا لا كدبت ولا جربت أتجمل أنا مكمل على ديني أنا الإنسان وبتشرّح وبتجرح وبمشي من صليب لصليب لحد ما تتعب الصلبان على كتفي أنا المسجون وحالف لن يكون سجان ومتخفي فسحابة طيش أنا اللي بعيش ومستني نهارك يلتقي ليلي ويفجر في عيونك نورأنا اللي بدوروبرجع أبتديكي الرحلة والرحال