يوم من غيرك

جربت البيت يوم من غيرك

والفرق كبير..

من بعد "هتوحشني"/ "مسافرة"

"أشوفك على خير"
**
بيني وبينك .. كان يوم في الجون

بالطول والعرض انا فيه مطحون

وغسيل وطبيخ أو عرض صحون

غير سوق السبت مع المشاوير

وهقولك إيه ع التَّقْلية

والرز اهو شاط

وبَصَل يتقطع وانا جنبه

هاتك يا عياط

وغسيل يتشال فيدغدغني وقال إيه عضلات

كل ده فوق راسك

وانا عايش عيشة بهوات؟
**

قال بعد ده كله فاكر نفسي

مِية المية

علشان بندهلك من جوه

كل شوية

وأقول ناوليني ولو حتى

إزازة المية

مع إنها شبر ونص يادوب

جنب إيديا
**

قال وابقى مكسّل اقوم واعمل

كوباية شاي

و"اغسِلِي في الفاكهة" و"سكّينة"

طب بس ازاي؟

وألومك لو مشغول بالك

أمّا انا رغاي

وأتاري الإحساس جُوّايا

كده في الباي باي -_-

لو كان الاحساس جواك
بقى في الباي باي
مكتبتش لما حسيته
كان ليه وازاي
وداخيرنا يا محمود يابني
خيرنا لاهله
لكن احيانا نستعبط
ننسى جمايله
ووصايا وصانا حبيبنا
بكل عمايله
طبعا دا شفيعنا وحبيبنا
كله اشتاقله


اخي محمود رائعة
ولو بيدي تثبيتها كنت ثبتها
رائعة خفيفة مذكرة

التجربة خير برهان وكانت ناجحة بامتياز
خفيفة النبض ماتعة بانهمارها حلوة الجرس فشكرا لك شاعرنا الفاضل
ومرحبا بك في واحتك
تحاياي

صح
ما هو بردو الحق أحق أن يُقال ^_^
قصيدة جميلة جدا
كل التحية يا شاعر
و
إلى لقاء

طريفة ومعبرة وهادفة

الشاعر المبدع محمود موسى أجدت وأمتعت

تقديري والتحية

كان لابد من غيابها لتعرف قدرها وقيمتها وتقدر أعمالها
خفيفة ظريفة لطيفة ـ إنهمار بديع بجرس حلو النغم
صيغ بأسلوب بديع ممتع.
أبدعت وأطربت.

غيابها أعلن عن حضورها و\أغرقنا في الجماال
دام الحرف الأنيق شاعرنا
فاتنه

..