أحدث المشاركات
النتائج 1 إلى 2 من 2

الموضوع: فنّ القول

  1. #1
    الصورة الرمزية جلول بن يعيش شاعر
    تاريخ التسجيل : Feb 2012
    المشاركات : 378
    المواضيع : 18
    الردود : 378
    المعدل اليومي : 0.10

    افتراضي فنّ القول

    إلى كل محبي الزجل قصيدة ((فن القول)) بمناسبة مشاركتي في الملتقى الوطني للشعر الشعبي في ولاية الجلفة الجزائر


    هَادَالْفاَرسْ جَايْ منْ تْوَاتْ رَاكبْ عَوْدَ اشْوَاقُو
    قَالتْ لِيه الجَلفةْ ارْواحْ
    امَلبّي دعْوَة منْ احْبِيبو منْ عَزّ ارْفَاقُو
    صَالَحْ رَابَحْ ،وَجْه الرّْبَاحْ
    جَايْ مْوَكّل ْ بالسّلامْ منْ عَنْدَ شْيوخْ انْسَاقُو
    اهْلَ المَعْنى دُوكْ لَفْصَاحْ
    الشّلاّلي مَعْرُوفْ منْ شْعَارُو تَعْرَفْ تَعْشَاقُو
    عَاشقْ جَنّية مْنَ الْمْلاَحْ
    الْبُودَاوي فَمْقَامْ بَالْوْلاَية حَقَّقْ تَحْقَاقُو
    رَاكَبْ هَجْهُوجُو فَالْمْدَاحْ
    يْدَاوَعْلِي سَعْدُو مَنْ سْقَاهْ امْعَانِي تَرْيَاقُو
    قَوْلٌو رَاحْ لْرَاحْة الرّوَاحْ
    فَنّ القّوْلَ اعْظِيمْ مّا يْْفَقْهُو غيرَاللّي ذَاقُو
    واَتْكَبّدْ فِي سَاحْتُو اجْرَاحْ
    يَادَاخَلْ بَحْرُو سَالْ عَنّو غَوّاص اعْمَاقُو
    وَاحْذَرْ منْ لّمْوَاجْ وَالرّْيَاحْ
    وَالدّاعي بَالْقًولْ خيرْ م انْطَاقُو ثَفّ ابْصَاقُو
    ايصّدّعْ وَدْنيكْ بالصّيَاحْ
    ايْجَبّدْ لَحْروفْ لاَغْنى تَتْسَاوَى فَاشْدَاقُو
    وَالْمَعْنَى بَاحْمَاقْتُو قْبَاحْ
    مَلّقْ عَرْشَ اقْصِيرْ كلّْ عَاجَزْ يَهْوَى تَمْلاَقُو
    وَيْعَدّدْ نَفْسُو مْعَ الرّجَاحْ

    هَاتَ اسَاقِي طَاسَ اللّْقَى مَتّعْني بَمْذاقُو
    نَسّينِي لَهْمُومْ وَالْقْرَاحْ
    سَامِيني واعْزَفْ لِي نْغَايَمْ بَاللّطْف ارْقَاقُو
    وَسّدْ ليَّ دَاك الجْنَاحْ
    الْخَالقْ بَهّاه غيرْ نَظْرة مَنْ ضيّ ارْمَاقُو
    تَحْشَم مَنْها شَمْس الصّْبَاحْ
    كَرّفْني بَهْوَاه في اعْضَايا مَتّنْ تَوْثَاقُو
    جَرّحْ لي قََلْبي باللّمَاحْ
    كيفْ انْقدّ انْبوحْ للْخْلايقْ بْسَرّ احْدَاقُو
    وانْوَارُو صَهْبا في اقْدَاحْ
    كَاس ايْشَهّي كَاسْ والْحدَايقْ تَرجَى تَدْفَاقُو
    ويْذا سَاح ْاينَبّتَ الدّْواحْ
    ويْنَسَّمْ لَرْيَاضْ بَالعْطَايرْ مَنْ طَيبَ اعْبَاقُو
    يغْنِي عن لَّوْرُود فالبْطَاحْ
    خَبّلْ لّي لَحْرُوفْ في اوْصَافُو وَاقْوَالِي ضَاقُو
    وَامْحَى لِي نَقْطُو مْنَ اللّوَاحْ
    بَعْد اوْصَالُو صَدّْ بالجّْفَا شَعّلْ نَارافْرَاقُو
    شَوّشْ قَلْبي بَعدْ مَاارْتَاحْ
    فَرفرْ بالجّنْحينْ طَارْ خَلّى روحي تَشْتَاقُو
    وَتْبَاتْ تْناجيهْ بالنّوَاحْ
    تَتْحَسّرْ واتْنينْ تَايْقَة لظْرافَة رُونَاقُو
    تَتْرَجّاه ايعُودْ للْمْرَاحْ
    أمَكْمُول الزّين يابْدَرْ نَوّرْ دَاجْ اغْسَاقُو
    كَبّ انْوارْ السّعْدْ والْفْرَاحْ
    وَاسْقيني بَوْصَالْ هَاتْ كَاسكْ نَرشَفْ م َ ادْهَاقوُ
    طَرّبْني بانْغَايم الصّدَاحْ

    اسْفيهْ الْقُوم اليومْ فالمجَالسْ عَنقَرْ حَوّاقُو
    او وّجْهو بَفْعايْلوُ كْلاحْ
    يَتْفَاخَر بَموالْ فَانية مَايَحمدْ رزّاقُو
    يَتْعنْتَرْ بَخْصَايلْ الجَيَاحْ
    مَايَرحمْ مّسْكينْ والْغْشَامة مَنْ طبْع اخْلاقو
    مَايَسْمَعْ منْ جَاه بالنّصَاحْ
    تَابَعْ زيغْ اهْواهْ فالمْسَايَل يحْكَمْ باحْمَاقُو
    منْ غَفْلاتُو قَلبوْ قْسَاحْ
    واحكيم القوم اضعيفْ فالخْزَاينْ سَتّف اوْرَاقوُ
    مَايَقدَر يَرشدْ للصّلاحْ
    هايَمْ بين النّاَسْ مابْقى منْ يَفْهمْ تَلبَاقُو
    حاَير بين الجدّ والمْزاحْ
    بنَ الطَيّب جَلّول يالسّايل عن نّسْب اعْرَاقو
    فالمَلحون اركايزو صْحَاحْ
    إيعِيشِي من دْوي مْنيعْ راَضَعْ اسْراَرَانْطَاقُو
    مَاهُو قًاصَدْ بيهَا ابْجَاحْ
    خَاتَمْ بَصْلاتُو عْلى النّبي مُحَمّدارشُاقو
    رَاجي عَفو الله والسّْماحْ

  2. #2
    الصورة الرمزية الطنطاوي الحسيني شاعر
    في رحمة الله

    تاريخ التسجيل : Jun 2007
    المشاركات : 10,900
    المواضيع : 538
    الردود : 10900
    المعدل اليومي : 1.94

    افتراضي

    هَاتَ اسَاقِي طَاسَ اللّْقَى مَتّعْني بَمْذاقُو


    /
    مَايَرحمْ مّسْكينْ والْغْشَامة مَنْ طبْع اخْلاقو
    مَايَسْمَعْ منْ جَاه بالنّصَاحْ
    تَابَعْ زيغْ اهْواهْ فالمْسَايَل يحْكَمْ باحْمَاقُو
    منْ غَفْلاتُو قَلبوْ قْسَاحْ
    واحكيم القوم اضعيفْ فالخْزَاينْ سَتّف اوْرَاقوُ
    مَايَقدَر يَرشدْ للصّلاحْ


    اخي جلول بن يعيش هذه معلقة في فن القول والادب والاخلاق مرة واحدة
    اهلا وسهلا بلغة المغاربة و الغرب ولكنتها البديعة
    ياليتها تعلق فوق
    اولا شكرا للامتاع وشكرا للتشكيل الذي اذهب الشبهة وابقى المتعة
    اخوك مصري لكن على مدى عمري سمعت النبطي الصعيدي
    والنبطي الخليجي واعلم بعض لهجات احبابنا في الشام ابتداء من غزة وفلسطين وسوريا ولبنان
    قصيدتك متعة ورائعة
    على الخبب سارت بديعة
    ياليتها تثبت يا احباب حتى نتمتع ونتعلم لهجاتنا كلها رجاء لا امر

المواضيع المتشابهه

  1. في فنّ التخميس
    بواسطة رياض شلال المحمدي في المنتدى فِي مِحْرَابِ الشِّعْرِ
    مشاركات: 20
    آخر مشاركة: 24-11-2016, 04:14 AM
  2. في فنّ التّخميس
    بواسطة فاتن دراوشة في المنتدى حَلَبَةُ الوَاحَةِ الأَدَبِيَّةُ
    مشاركات: 242
    آخر مشاركة: 02-06-2016, 05:24 AM
  3. خَطَراتٌ في فنّ الهايكو
    بواسطة مصطفى حمزة في المنتدى النَّثْرُ الأَدَبِيُّ
    مشاركات: 12
    آخر مشاركة: 19-03-2016, 08:20 PM
  4. فنُّ الخَطابة
    بواسطة د عثمان قدري مكانسي في المنتدى الحِوَارُ الإِسْلامِي
    مشاركات: 0
    آخر مشاركة: 15-12-2013, 01:31 AM
  5. هل يصح القول لوطي
    بواسطة محمود مرعي في المنتدى عُلُومٌ وَمَبَاحِثُ لُغَوِيَّةٌ
    مشاركات: 16
    آخر مشاركة: 17-01-2004, 02:08 AM