البرد ماهو برد عرعر وﻻ الجوف وﻻتبوك الثلج. .وجبال حايل البرد برد القلب في داخل الجوف ﻻحال مں بين المحبين حايل البرد برد الشام يامبعد الشوف ولا القلوب ألها حلول و بدايل برد و فقر وامطار وثلوج مع خوف وابشع جرايم دون جرم ودلايل حتى أصبح الموضوع للعين مألوف نشوفهم نحزن دقايق قلايل واذا فزعنا فزعة أقلام وحروف حتى بفزعتنا - تشوف الهوايل ياشامنا "وجه العذر منك" مخطوف ولاعاد بيدين العرب من وسايل لكن لك الله ملتجى كل ملهوف يغنيك عن فزعة شعوب وقبايل
قصيدة لمبدع تبوك فارس ملحان العنزي وارسلها لي للرد والزمني الزام مامنه معاذير عن طريق احد الزملاء الغالين على قلبي فكان لابد من رد وان كنت لا اجاريه في مجاله فهو القمة ولكن اغراني حسن المقصد وروعة القصيد
البرد والجوع وثالثهم الخوف ياحيف على رجال تترك عوايل يا مبرد ابراهيم بالنار والخوف انك تعدي الشام ذيك الهوايل طفل يتذرا في اللواهيب بكفوف وش له نعيش وكيف نبقى قبايل مثل القوالب البني رصة رفوف طفلة على طفله سواة النثايل ياناس وين الدين والدين معروف وين المزاين وين ذيك الهلايل وين الدراهم دربها دوم مزيوف تحت الغواني من خسيس الفعايل ترى الحقيقة انت يالذيب مكلوف ماهي جمايل ولانت كفو الجمايل خلي بوجهك دم لاتصير مكشوف وين الرجولة يا عيال الحمايل لاتحتقر شرشف ولو كان معيوف يمكن يدفي ساق بنت الاصايل لكلن عيون وكل واحد يبي يشوف الواتس عندك فيه كل الدلايل خذها يا بن ملحان في جوف مظروف تكتب رسايل هاك جتك الرسايل كفيت ياسرحان والشعر محفوف نكهة طبيعية نكهة عيال وايل