دمع العيون

دمع العيون مشتاق لايدك صدقينى
وانا دمعتى من يومها محتاجه الامان
دانا لو بايدى اقول يادنيا ماتسبينى
وانحت بايدى الصخر وأهديكي المحال

دانا من زمان والحب فيا شئ يقينى
كل المشاعر ساكنه راكنه كا التلال
والهجر سكه طويله خايفه بتبعدينى
وانا سكتى مفروشه بورود الوصال

دايره القلوب بتنادى وانتى مقفلاها
والخوف محاصر جنتك حتى الخيال
والصدق زى الكدب وانتى مصدقاها
والدنيا شاطرة ملففاكى سنين طوال

لو كات دموعى لكي مش اكبر دليل
ولا وحدتى ويا انتظارى وسهد ليل
حاولى تشوفي بنظرتك مين اللى باع
ومين اللى اقرب ينتحر م المستحيل

جميل هذا الوفاء
و هذه المقطوعات الجميلة
أحسنت أيها الشاعر
و
إلى لقاء

بوح رقيق معزوف على ناي المشاعر
بوركت والقلم ـ ودمت بجمال الحرف، وألق العزف، وسمو المعنى.