َيا مصر غريب
الحمد لله أني بينكم مرة أخرى بعد غيبة قسرية الحمد لله
/
/
يا مصر أنا فيك مِتمَرمَط = وِ مِتْكَحرَّت ومتشلفَط
ومتكحوِل ومتشحطَت = و قلبي عليكي بيحطحط
وشحَّط فكري واتفحَّط = يا روح الروح
*****
تكفِّي جراحي دي تكفي = و ليه بجراحي تتشفي
إلهي للجراح يشفي = بربِّ أستغنى وأستكفي
فإمتى هتيجي يوم صفي = دا انا مدبوح
*****
بورَّث إبني أحزاني = ديابك رجعوا من تاني
مصيرك دا مصير الكون = شايف حيرتي وحرماني
أنا المجني صبح جاني = شبعت جروح
*****
كرامتك هيا راس مالي = عشانك يرخص الغالي
ودينك عدل وسماحة = باعيش بُه وأموت له طوَّالي
بيمحي كل أحزاني = بحبه بابوح
*****
بثورة عظيمة جبت البدر = أكلها الديب بطعن وغدر
لكن في الحلق موقوته = هتقضي عليه تجيب الفجر
و يحكم عدلنا بالحر = ونهدي الروح
*****
يا بلدي يا قِبلة مسكونة = ومين صلى دوا سحرك
تتوبي تُردِّي مأمونة = حضارة وعدل من قدَرِك
بحرية بشرع الله = دا نهج صحيح
*****
يا مصر غريب و مِتمَرمَط = وِ مِتْكَحرَّت ومتشلفَط
ومتكحوِل ومتشحطَت = و قلبي عليكي بيحطحط
وشحَّط فكري واتفحَّط = يا روح الروح
دمتم مبدعين كل عام وانتم بكل خير وبركة ورحمة
رد مع اقتباس
المشاركة الأصلية كتبت بواسطة الطنطاوي الحسيني
