ما تـِسألـنـيش
متـسألنيش أنـا ليـه هانســاك أنا مسـألتش إيـه قَسَّاك و لا حتى عاتبتك على جرح هـواك غدرك بيّا علّمني انســـاك متسألنـيـش إزاي هانســـاك لإمتى هاعيش في عذابي معاك مش قادر أعيش مجـروح ويـاك انسانى .. كفاية أنا بترجــاك سنين و أنا عـايش وأنا بتمنــاك كان نفسي أكمل مشواري معاك طول عمري شايفك يا حبيبى ملاك آه .. و أتاريني مخدوع في هواك كِدِبت علـيا ..قـلتـلي بأهــواك قلتلي أنا روحي و عمري فَداك قلتلي مـش هابعد .. صدّقت بُكـاك و ظلمت أنا قلبي من يوم ما هواك مسألتش نفسك لـيه هجرتنـي مسألتش روحـك ليـه بعتـنـي ما صعبش عليك حبي وخنتنـي وماهانش عليك قلـبي جرحتـني و في عِز هوايا رُحت وسيبتنـي مرحمـتش قلـبي و عـذّبـتـني ضحيت بوعودك و هجرتـنــي و بتقول دِلـوقـت .. أنـت ظلـمتني ميـن اللي ظلم قلـب بيخـلـص و رمــــاه فـي الـنــــار ميـن اللي جرح قلـب بيـوفـي و ســقـــاه الــمــــرار ميـن خـان سنـين الـحــب مــن غـيــر أعـــــذار ميـن بــاع فيــنا التــاني وكـــــان غـــــــدّار خـلاص قلـبى تعـب مـنـك خلاص مش عـايز أحبـــك خـلاص مش هانـسا جرحـك خلاص مش قـادر أسامـحـك هأبدأ من تـاني حيـاه جديـدة و أنسـاك وأنسـى آهــاتـي وأكيـد هأعيش دُنــيا سعيـدة بعيد عـن ذكـــريـاتــي
أحــمــد فـؤاد