إش.. .إش ...إش
إياك يا ابني تغش
وتعيش عمرك .
تعرك بطنك ويعيش يا ابني
من غير وش
وتبقى رحاية
عايز تدور
ما قادر تدش
فين اسنانك تلفها الغش 1
يا ما أكلنا زمان المش
صحة وعافية وقوة ونش
واللي مساكسك عايش أرنب
جو حظيرة ونازل ويش
واليوم جتنا وعامل غاغة
زي إذاعة ما قادر تنش
إش ...إش ...إش
إياك يا ابني تغش
وتنسى مقامك فوق البرش
الناس فاكره لكن ساكته
عشان حمولها عايزه الونش
الله يرحم جدك ...!
جنب الحطية حاطط ضهره
ونازل ينش
مادد يده ويشكي بكده
عمال يشكى ما قادر ينف
عاش مسكين ومات مسكين
ياكل البصلة عجل ثمين
يطحن فيها طحن رحاية
ويقوم يشرب من تحت الزير
نشفان ريقه ما ترويه ميه
جنب الحيطة ما راضي يلين
إش ...إش ...إش
إياك يا ابني تغش
وتقلع توبك وتقول حوبك
وتعمل غجري ...وراسك يلف
أرحم ذاتك . أرحم نفسك
يا ما كتير اتغروا قبلك
عايشوا حياتهم من غير فايده
الله يرحم أهل الفته
عاشوا زمنهم على قشر اللفت
إش ...إش ...إش
عشت حياتي نقي ونضيف
رافع راسي وأصلي نضيف
لا ابقيت عمدة ولا أحب الهيص
ولا كان جدي يحب النقطة
ولا شيخ منصر يدس رغيف
ولا كان لينا في درب السطوة
نسرق بقرة في عز الضلمة
ونبيع عنزه في سوق الجمعة
يبكي صاحبها بشدة وحرقة
ولا أهز كتافي شمال ويمين
ولا أرمي وداني للنساوين
ولا أحلف كدب .
في يوم على حاجة
دا أبوي رباني علي نفسي
وناسي قالولي أوعى تهيف
أصل الكدب ياولدي فضيحة
والداب ما يبقى أصيل
أصل الكدب يا ولدي ماله رجلين
ربك عالم بالمضامين
ربك عالم بالمضامين
بقلم : سيد يوسف مرسي