أنا كنت عارفه
**********************
أنا كنت عارفه من زمان
إنك ما تعطيش الحنان
لكن أداري دمعتي
عشان أضوِّي لشمعتي
أنا كنت عارفه وفيها إيه ؟
إني أحبك وأعترف
بس فيها إيه لما ارتجف
وأنسى من البرد الأمان
وأذكر خيالك في المكان
والخوف يزوِّد حرقتي
وأتوه ورجلي فـ طرقتي
أنا كنت عارفه !!! وفيها إيه ؟
إن كنت منِّك أنكسف
لمِّنْ أقولك وأعترف
إنك حبيبي وأرتجف
وأعرف وأداري دمعتي
وأحزن وأطفِّي شمعتي
بس فيها إيه إن كنت عارفه من زمان ؟؟؟
إني ماليش عند مكان
وإنك ما تعطيش الحنان
اللي عطيتك من زمان .....
أنا كنت عاوزاك تعترف
أو .....تنكسف ....
أو تنكشف .للكل وأرجع من جديد ..... أبكي ...
دمعتي .....
عشان أضوِّي شمعتي !!!!
بس فيها إيه ......
.......مـانا كنت عارفه من زمان ......!!!!