من روائع الزجال المغربي عبد الرحمن المجدوب
![]()
جفاف» بقلم الفرحان بوعزة » آخر مشاركة: الفرحان بوعزة »»»»» المرجعيّة الإنسانيّة في رواية "أنا مريم"، محمد فتحي المقداد» بقلم محمد فتحي المقداد » آخر مشاركة: ناديه محمد الجابي »»»»» فوائد من شرح النووي على صحيح مسلم» بقلم بهجت عبدالغني » آخر مشاركة: بهجت عبدالغني »»»»» جراح الأرض» بقلم محمد ذيب سليمان » آخر مشاركة: ناديه محمد الجابي »»»»» تُطاردنـي اللعنة...» بقلم عبدالله يوسف » آخر مشاركة: ناديه محمد الجابي »»»»» استنكار» بقلم ناظم العربي » آخر مشاركة: أسيل أحمد »»»»» اختراع السلالات» بقلم اسلام رضا » آخر مشاركة: اسلام رضا »»»»» بياض» بقلم ناظم العربي » آخر مشاركة: أسيل أحمد »»»»» شذرات عطرة.» بقلم أسيل أحمد » آخر مشاركة: أسيل أحمد »»»»» خواطر وهمسات.» بقلم ناديه محمد الجابي » آخر مشاركة: ناديه محمد الجابي »»»»»
من روائع الزجال المغربي عبد الرحمن المجدوب
![]()
http://www.rabitat-alwaha.net/moltaqa/showthread.php?t=57594
قصيدة " ضحكة المساجين "
الأبنودي
جزء من القصيدة
تغازل العصافير قضبانها
زنزانة لأجلك كارهة سجانها
دوق زينا حلاوة الزنازين
على برشها بتمدد أطرافك
سجانك المحتار في أوصافك
مهما إجتهد ما هيعرف إنت مين
طوبى لكل المسجونين باطل
في زمن بيخدعنا وبيباطل
يا شموس بتبرق في غرف عتمين
أما إللي خان ناسك وأوطاني
م الهيبه حاطينه في قفص تاني
يصحى وينعس والجميع واقفين
ومصر عارفة وشايفة وبتصبر
لكنها في خطفة زمن تعبر
وتسترد الإسم والعناوين
يا دي الميزان إللي طلعت لفوق
بينزلوك بالعافية أو بالذوق
دول مش بتوع الصدق في الموازين
الثورة نور وإللي طفاها خبيث
يرقص ما بين شهدا وبين محابيس
والدم لسه مغرق الميادين
الحزن طابع في قلوبنا بجد
مافضلش غير الشوك في شجر الورد
غلط الربيع ودخل في أغبى كمين
وفي إنتظار تياس مع الأيام
غيرك في قفصه بيضربوله سلام
وأنت الجزم قبل الكفوف جاهزين
ومصر عارفة وشايفة وبتصبر
لكنها في خطفة زمن تعبر
ومصر عارفة وشايفة وبتصبر
لكنها في خطفة زمن تعبر
وتسترد الإسم والعناوين
ياعم أقعد بس وإشرب شاي
الدنيا ماشية وشعبنا نساي
والبركة في الشاشة وفي الجرانين
وإذا هوهو قوم إعلن الأحكام
وكل بق تلجمه بلجام
ومش هتغلب تطبخ القوانين
يا مصر هدي وإنت بتفوتي
الصوت في صمته أعلى من صوتي
أدي السجين إللي مبتش حزين
وإللي يقف في وش ثوارها
ما هيورث إلا ذلها وعارها
وإللي هيفضل ضحكة المساجين
ومصر عارفة وشايفة وبتصبر
لكنها في خطفة زمن تعبر
ومصر عارفة وشايفة وبتصبر
لكنها في خطفة زمن تعبر
لكنها في خطفة زمن تعبر
العمة يامنة
الأبنودي
يامنه
والله وشبت يا عبد الرُّحمان ..
عجّزت يا واد .؟
مُسْرَعْ؟
ميتى وكيف؟
عاد اللي يعجّز في بلاده
غير اللي يعجز ضيف.!!
هلكوك النسوان؟
شفتك مرة في التلفزيون
ومرة .. وروني صورتك في الجورنان
قلت : كبر عبد الرحمان.!!
أمال انا على كده مت بقى لي ميت حول.!!
والله خايفة يا وليدي القعدة لتطول.
مات الشيخ محمود
وماتت فاطنة ابْ قنديل
واتباع كرم ابْ غبّان
وانا لسة حية..
وباين حاحيا كمان وكمان.
عشت كتير.
عشت لحد ماشفتك عجّزت يا عبد الرحمان.
وقالولي قال خَلَّفت
وانت عجوز خلَّفت يا اخوي؟؟
وبنات..!!؟
أمال كنت بتعمل إيه
طيلة العمر اللي فات؟
دلوقت مافقت؟
وجايبهم دِلْوكْ تعمل بيهم إيه؟
على كلٍّ..
أهي ريحة من ريحتك ع الأرض
يونسُّوا بعض.
ماشي يا عبد الرحمان.
أهو عشنا وطلنا منك بصة وشمة.
دلوك بس ما فكرت ف يامنة وقلت: يا عمة؟؟
حبيبي انت يا عبد الرحمان
والله حبيبي .. وتتحب.
على قد ماسارقاك الغربة
لكن ليك قلب.
مش زي ولاد الكلب
اللي نسيونا زمان
حلوة مرتك وعويْلاتك
والاّ شبهنا..؟
سميتهم إيه؟
قالولي : آية ونور.
ماعارفشي تجيب لك حتة واد؟
والاّ أقولك :
يعني اللي جبناهم..
نفعونا في الدنيا بإيه؟
غيرشي الانسان مغرور.!!
ولسه يامنة حاتعيش وحاتلبس
لمّا جايب لي قطيفة وكستور؟
كنت اديتهمني فلوس
اشتري للركبه دهان.
آ..با..ي ما مجلّع قوي يا عبد الرحمان.
طب ده انا ليّا ستّ سنين
مزروعة في ظهر الباب
لم طلّوا علينا أحبة ولا أغراب.
خليهم..
ينفعوا
أعملهم أكفان.!!
كرمش وشي
فاكر يامنة وفاكر الوش؟
إوعى تصدقها الدنيا..
غش ف غش.!!
إذا جاك الموت يا وليدي
موت على طول.
اللي اتخطفوا فضلوا أحباب
صاحيين في القلب
كإن ماحدش غاب.
واللي ماتوا حتة حتة
ونشفوا وهم حيين..
حتى سلامو عليكم مش بتعدي
من بره الأعتاب
أول مايجيك الموت .. افتح.
أو ماينادي عليك .. إجلح.
إنت الكسبان.
إوعى تحسبها حساب.!!
بلا واد .. بلا بت..
ده زمن يوم مايصدق .. كداب.!!
سيبها لهم بالحال والمال وانفد
إوعى تبص وراك.
الورث تراب
وحيطان الأيام طين
وعيالك بيك مش بيك عايشين..!!
يو.....ه يا رمان..
مشوار طولان
واللي يطوِّله يوم عن يومه يا حبيبي .. حمار
الدوا عاوزاه لوجيعة الركبة
مش لطوالة العمر.
إوعى تصدق ألوانها صفر وحمر.
مش كنت جميلة يا واد؟
مش كنت وكنت
وجَدَعَة تخاف مني الرجال ..؟
لكن فين شفتوني ..؟
كنتوا عيال.!!
بناتي رضية ونجية ماتوا وراحوا
وأنا اللي قعدت.
طيِّب يا زمان..!!
إ
إوعى تعيش يوم واحد بعد عيالك
إوعى يا عبد الرحمان.
في الدنيا أوجاع وهموم أشكال والوان.
الناس مابتعرفهاش.
أوعرهم لو حتعيش
بعد عيالك ماتموت.
ساعتها بس ..
حاتعرف إيه هوّه الموت.!!
أول مايجي لك .. نط
لسه بتحكي لهم بحرى حكاية
فاطنة وحراجي القط..؟
آ.. باي ماكنت شقي وعفريت
من دون كل الولدات.
كنت مخالف..
برّاوي..
وكنت مخبي في عينيك السحراوي
تمللي حاجات.
زي الحداية ..
تخوي ع الحاجة .. وتطير .
من صغرك بضوافر واعرة .. ومناقير.
بس ماكنتش كداب.
وآديني استنيت في الدنيا
لما شعرك شاب..!!
قِدِم البيت.
اتهدت قبله بيوت وبيوت.
وأصيل هوه..
مستنيني لما أموت..!!
حاتيجي العيد الجاي؟
واذا جيت
حاتجيني لجاي؟
وحتشرب مع يامنة الشاي .؟؟
حاجي ياعمة وجيت..
لالقيت يامنة ولا البيت ..!!
موضوع راق لي جدا لحبي للشعر العامي
حتى وإن كنت غبت عنا تظل مواضيعك الرائعة تملأ الواحة
واسمحي لي بأن أشارك:
دمياطـــــــى
م الفجر بصحا .
أبص جنبى .
فى قميص مدندش .
نايمة مراتى
أقوم مكسل .
أفكر أرجع .
عقلى يقولى .
قوم ياأسطى محسن .
حمام بسرعة .
أتوضى أصلى .
أبوس عيالى .
أقول ياعاطى .
ع السلم أنزل .
مراتى تنده.
إوعى يامحسن .
جزمة حمادة .
صندل للوزة .
وخد معاك .
الأسطى سلامة .
الجزاماتى .
طيب يازينب .
مش ممكن أنسى .
وهاأجيب كمان .
هدية لحماتى
فى الشارع أجرى .
ع الباب أخبط .
ياعم منعم .
ياأسطى سيد .
ياواد يابندق .
ياأبو المعاطى .
نقاش وبنا .
نجار موبيليا .
أسترجى أسطر .
أسطى لاكيه .
ومدهباتى .
الست فايزة .
فى الفرن تخبز .
خد لك رغيف .
غير به ريقك .
عيش بلدى طازة .
تنده عليها .
أم اسماعيل .
فيه أيه يافايزة .
دا الأسطى محسن .
هو مسحراتى .
من غير فطار .
قوام بنركب .
ننزل نفرفش .
الشاى يابندق .
لازم يوماتى .
عم منعم .
بالفرشة يرسم .
الأسطى مدحت .
أزميله ينحت .
أوضة نقابل .
فيها ضيوفنا .
وأوضة بننسى
فيها جراحنا .
وتفوت ساعاتى .
الساعة عشرة .
إجرى يابندق .
على عم عبده .
فول وفلافل .
م الطرشى كتر .
حزمة خضار .
أصلى نباتى .
فى الضهر أريح .
ع الحيطة بسند .
ضهرى وأمدد .
أستنى مسعد .
أهو جاى يجرى .
ووراه عليوه .
بيشد رجله .
أصله مدشدش .
طول عمره واقف .
ع السقف يبنى .
يفرد فى طوله .
بالعافية يمشى .
أهو يوم بيصبر .
ويوم يهاتى .
ناكل ونضحك .
وسعيد يقولك .
الأهلى يغلب .
متعب هيلعب .
دمياط هتطلع .
شربات هوزع .
ع اللى ماشى .
وكمان إخواتى .
أسمع ورايا .
الواد مطاوع .
بيقول لأخوه .
رغيف وحاف .
من غير غموس .
مفيش فلوس .
غمس بعرقك .
قرب ودوق .
شوف الطعامة.
ولاأحلى حاتى .
فى المغرب أقلع .
عفريتى وأرجع .
أنفص ترابى .
أجرى يوماتى .
شغلى كتير .
بس بضمير .
حقى وحقك .
إوعى تاكلنى .
أنا مش هطاطى .
أنا أصلى راجل .
شغال بإيدى .
بشقى وبتعب .
علشان عيالى .
تكبر وتعلا .
هما حياتى .
أرجع لدارى .
شايل فى إيدى .
شبشب حماتى .
جزمة حمادة .
صندل للوزة .
بطيخة حمرا .
لفة مشبك .
عشان بناتى .
أحضن ولادى .
آكل لى لقمة .
نامى يالوزة .
عايزين نحلى .
ومراتى تلبس .
قميص مدندش .
يكشف يدارى .
ينده على .
بصوت يسمع .
وعنيها تلمع .
زى حالاتى .
دميــــــاطـــــــى
كلمات
عصام ميره
يا إلهي
يا إلهي نفسي اتوب
يا إلهي نفسي اتوب
كل ما انوي التوبه
برجع
غصب عنّي للذنوب
يا إلهي استر عيوبي
انت ستار العيوب
يا إلهي قلبي خايف
رحمتك رب القلوب
لو قبلت التوبه منّي
لو كشفت الضُر عنّي
راح تنير كل الدروب
قلبي باكي قبل عيني
ع اللي ضايع من سنيني
م العذاب قََرّبت ادوب
.........................
كل م ابدأ من جديد
بلقى نفسي والشيطان
كانوا ضدي سور حديد
الذنوب ماليه الميزان
يا إلهي اصلح لي قلبي
بَصّره بنور الإيمان
مهما كان جرمي وذنوبي
رحمتك أبلغ بيان
......................
يا إلهي قصدت بابك
جَيّ خايف من عذابك
لو بعدتني عن رحابك
يا إلهي الجأ لمين ؟؟
بعترف أنا كنت عاصي
كنت لاهي كنت ناسي
كنت تايه ف المعاصي
يا إله العالمين
جاي وخاضع بين إديك
اعفُ واقبل توبتي ليك
كل ما فيّا يناجيك
نفسي اكون م المهتدين
يا إلهي انا ضلّ فكري
والذنوب جوايا تعوي
م العذاب بتمنى أجري
بس أجري واروح لفين
يا إلهي الآخره جايه
والذنوب ذادت عليّا
والدموع بايته ف عنيّه
خايف اكون م الخاسرين
لأ ياربى انا لسا طامع
لسا بشكي وانت سامع
لو دعايا معادش نافع
أدعي مين والجأ لمين؟
غير إله العالمين
للشاعر /
أحمــــــ مـــــوســـــــى ـــــد
سؤال وحشتك؟؟
د. نجلاء طمان.
سؤال: وحشتك ؟؟؟
أسأل وحشتك ؟
تقول : حياتي
وحشتيني ، ما أنت عارفة!
أيوا عارفة
بس عايزة أشوف عنيك هايمة قبالي ،
وبسمة نايمة؛ تصحى تضحك
من سؤالي
وحشتيني
قولها تاني
وانتَ قاتلك الشوق قبالي
يزيد دلالي أكتر وأكتر
يلا قولها ، زيد وكرر
حُبي ليك يكبر ويكبر
وحشتيني
قولها يلاّ ... أبعت لقلبك
ألف فُلة من جَمالي
وحشتيني
قولها غني
أزرع في دمك شوق تاعبنى
يطرح فى عمرك هيام حاضنى
طول الليالي
يزيد دلالي أكتر وأكتر
يلا قولها زيد وكرر
حبي ليك
يكبر ويكبر
وحشتيني
قولها قول
عمرى يطول ألف مرة
يرقص فى عيني
شوق سنيني أحلى نظرة
أبعتها حايرة
تجيني غايرة من نسمة لامسة
ورد خدك
وَجْدي يلالي يزيد دلالي
أكتر وأكتر
يلا قولها زيد وكرر
حبي ليك
يكبر ويكبر
يعني فاضل أد إيه ؟!
بقلم
آمال محمود كحيل
يعني فاضل أد إيـه ؟!
شهر ، أسبوع
أو يادوب يوم أو ساعات ؟
مش هاتفرق .. لما يبقى
قلبي متخم بالآهـــات
لما يبقى الماضي كله
سطر في كتاب ذكريـات
واما يبقى بكـرة غامض
أو مجــرد أمنيـــات
واما أبقى ...
عايشة دلوقتي وكإني
ميتة ف عــالم مــوات
يبقى رحمة ربي أرجى
للي عاش عمره ف سبات
يعني فاضـل أد إيـــه ؟!
واللي فاضـــل
إيه هايغني ؟!
ياما لازم .. حـزني قـلبي
ياما ضــلّ الســعـد دربي
ياما وعـد الفرحة خـانني
يامـا غـــاب الضي عـني
حاسـة إني ظــل شارد
وان نبـض القـلب بارد
وان روحي تايهة مني
وان شـوقي لنوره قايد
وان حتى الخوف خاصمني
والزمن عـدى وسرقني
بس فاضــل حسـن ظني
إن رب الكــون راحمني
يعني فاضـل أد إيـه ؟!
مين يجـاوب
ع السؤال ؟!
مين مُلِمّ بعـلم غيبه ؟!
غير خالقنا - بدون جدال -
دي النهايـة أمر حتمي
والحيــاة آيـْـلة لــزوال
يبقى ليه نحزن ونبكي
والخلود دا شيء محال
راحـة القلب ف إيمانـــه
باللي مكـتوب ع الجبين
مهما صبري طال زمانه
فالأمـــل حبــلي المـتين
موش هادوب
في اليأس ، واغرق
أو أخاف م الموت يجيني
واما اغمض جفـن عيني
النهارده ، بكـره ، بعـده ،
بعــد بعـــده
أي لحظة إيه هاتفرق ؟!
المهم اقـدر في حينهــــا
بالشـهادة لساني ينطـق
قصيدة بعنوان
طفل غزة .....
صرخة الصورة تقول
يا ضمير الأمة فينك
ولا فين هي العقول
غزة والعة وطفل خايف
واحنا بين فرح وطبول
واما حد يقول عروبة
تلقى طوبة
وميت عزول
طفل غزة
ياللي عايش وسط نار
نار مطامع للديابة
ونار يهود زي التتار
واحنا امه زاد عددها
بس خيبة فاتها زادها
م الايمان وم الحصار
م الارادة اللي ماتت
واللي شاخت
من عمايل الصغار
طفل غزة يا اللي خايف
وتمتمه فوق الشفايف
خبي اختك ولا اخوك
الرصاص ماكنش منهم
الرصاص م اللي باعوك
بقلم د. هاني ابوالفتوح
ماتخـــافيش يابهيـــــــة
عصــــام ميـــــره
.........................................
ماتخافيش يابهية يابهية ماتخافيش
وإن قالولك إحنا شعب وهما جيش
ماتصدقيش ...
إحنا هما وهما إحنا
كلنا نفديك بروحنا
مهما جينا مهما رحنا
يوم قاسينا ويوم فرحنا
زى حضنك مانلاقيش
.......................
ماتخافيش يابهية يابهية ماتخافيش
إوعى مرة يخطر فى بالك
عدو يدخل فى يوم مجالك
أو يمس فى لحظة شالك
إحنا أسودك .. إحنا رجالك
حاميين حدودك .. صاينين ترابك
فى جنوبك ..أو .. فى شمالك
من حلايب للعريش
يابهية ماتخافيش
.................................
.................................
يابهية الفجر لاح
وانطفت نار الظلام
وابتدا نور الصباح
يفرد جناحه ع الأنام
لما شبح الظلم راح
الخير ظهر عم السلام
الكل قال خلاص هعيش
يابهية ماتخافيش
.........................
.........................
وداعاً ... أيها البطلُ
كان رمضان وكنا بنقعد عالطبلية ...
وكنا بنرسم صورة جميلة وحلوة شقية ...
لفت وزعتر ...زيتون مخضر ...
اكلة هنية تكفي مية ...
وكنا صغار ...
واسمو براء وهو صغير العيلة ...
وهو القمر وهو البدر في عز تمامو ...
كنا صغار ... وبسمة عينه تضوي الدار
وضحكوا شقاوته ...صوته العالي ..حتى غناه
بيسعد قبل الأهل الجار ...
كنا صغار .. ودمعة عينه تحرق قلبي .. وتوجع توجع زي النار ..
لكن الغدر اغتالوا في قلبوا في لونه وريحته...
قتلوا شقاوته ... قتلوا براءته ... قتلوا طفولته ....
وقالوا الطفل ده إرهابي ...
قالوا بيلعب وعنا اللعب دع مش مسموح ...
قالوا ده اسموا براء ...يبقى ابوه يحيى عياش ...
وده شئ مرفوض ...
قالوا ده دفتر رسموا لحالو مصيبة...
ده جوه الدفتر شب ملثم ...
وجوه صاروخ قسام...
وجوه الدفتر اسم ياسين والرنتيسي ويحيى ، شحادة وابو الهنود
قالوا وقالوا .... وقتلوا براء ...
في ليلة ضلمة القمر بيبكي وشجر العنب في داري بيبكي
ودفتر رسموا لنفسوا بيشكي
لو كنت براء مش ارهابي ...
ولسة يادوب يا دوب بتحابي
وكنت برئ .... انا ارهابي....
انا من بعدك كل اللي قالوه عنك ...
انا صورتك .. ريحتك ... انا ضلك ..
نام يا براء متهني ...
وضلك غني ... غنا الاحرار ...
صرنا اليوم رجال كبار ...
ولسة براء مضوي الدار ...
**************
أحمد عيسى