تايه حيران فالبراري
أدور لي على بر تاني
دخلت دروب كتير
افتكرتها دار الشوق والحنين
طلعت منها خالي وحزين
إفتكرتها عمر وزمان
أتاريها وهم وسراب
ولسه ماشي بكد فالمسير
القلب وحداني وعليل
مهما إشتكيت ولا بكيت
ما راح ألقى لي حبيب
ح أكتم شكوتي بتمي
وأدعي رب كريم
ألقى بر سلام
أرمي حمولي عليه
وانسى همومي واغسلها
جوه عينيه
وأزور البيت
وأشرب من ميّته
وأدعي وأقول شكوتي
أكيد ح يسمعها ويجيب
بحق الشهر الكريم
//////
مهما بعدتنا الحروف
أكيد ح نرجع نلتقي
في رحاب رب الكون
بجليل المعنى
وعظيم ما فالصدور
أحبابي وإخواني
برابطة الواحة الثقافية
قادر رب كريم فالشهر العظيم
نحقق الوصال
بعد الغياب
ونكون أد المقام
بصحبة الأخيار
وننول مكانه
تسكنّا جنب الحبيب
قادر رب كريم
/////
كل عام وانتم بخير أحبابي
رمضان هل هلاله
والدعوة بتكون فيه مقبوله
اللهم عيّد علينا
كل رمضان
واحنا كده ...
إخوه وأحبـاب