I] زمن القرود 000!!![/I]
القانون في الغابة قوة
قوة مالهاش حدود
المخالب والنياب
زي طلقات البارود
تنهش عضمك وروحك
والعظام ويَّا الجلود
قوة غاشمة قوة ظلمة
حرب دامية ع الحدود
لو يموت ف أي دشمة
أي طور ما لهش لازمة
يرعي ف بدنه الضعيف
سوس بينخِّر ويَّا دود
الغضنفر اللِّي حاكمنا
وارث نصايح الجدود
دستور و نظام حياتنا
البيادة وحبة وعود
مكتوب علي جلد حمار
الأسد لو يوم يعجِّز
تلعب علي ضهره القرود