[B][/B]
منيش عارف أقولك إيه
بعادك يوم ورا التاني
أكيد يا سلمى خلاني
بعيش ف الدنيا وحداني
لأول مرة يا سلمى يخون الشعر وجداني
ومش عارف أقولك إيه
دواوين الهوى فاضية
ولو فكرة على بالي
ألاقي ادية مش راضية
وتسألني: هتكتب إيه؟
ولولا رنة التليفون
وشوقي الهايم المجنون
لكنت كتبت ديواني رقم مليون
وشوقي ولهفتي ليكي
عشان خاطرك يا سلمى تهون
أنا آسف
بنام واحلم برناتك
بكلماتك
بضحكاتك
ولما اصحى
بحط فجيب قميص قلبي هنا التليفون
وبتهجى أنا آسف
وبرسم لوحتي وياكي
وفرشة فني دي رموشك
وصفحة رسمي كات قلبك
ووحي الفكرة بهواكي
وبين (هلالين ) أنا آسف
حرمت عنيا من غيرك
ولو قلبي بقى طيرك
هخلي قلبي ياسلمى
يسيب الدنيا ويجيلك
وبيقولك أنا آسف
بدأت العمر م الأول
ولو قصر ولو طول
هجيلك يوم من الأيام
هجيب الشبكة ديواني مع الأقلام
وفستانك على لوحتك
مطرز باجمل الأحلام
وهرسم ليه وانا شاعر؟
وهكتب ليه وانا فنان؟
هعيدها تاني م الأول
أنا آسف