عصفور كناريا والقفص فضّى
بيغنى ليكى وانتى..... ماتردى
خايفه عليكى م القفص ولاّ
بتلاقى راحة فى الوقوف ضدى
................
عصفور كناريا والهوى شيّال
يانجمه عاليه والسما ترحال
طاير بقلبى بزقزق الغنوه
والكون بيسمع رّنة المّوال
...................
عصفور كناريا ياللى فى الننى
أخسر حياتى.... وانتى ماتئنى
دايب فى حبك وانتى هايمانه
فى اللى رماكى فى الهوى وخانّى
...........................
عصفور كناريا وقلبى راح لبعيد
ونسيت بأن الحب له.... مواعيد
واكيد رح القى قلب يهوانى
ويعود لى قلبى اللى رمانى اكيد
----------
حلمى عمر