مسيرك تحس
يا شاعر ياعايش
ف وسط القوافى
ووسط البحور
دا بحرك سارقنى
حركته وسكونه
وضربه وعروضه
وكل الشطور
دا قلبى سايبلك
ف قلبه حنينه
وشوقه وغرامه
وديماً يقول:
بحبك بحبك
لحدّ أما أموت
بحبك بقولها
مسايا وصباحى
ووقت الغروب
ووقت أما أقولها
بتصفالى نفسى
وبلقى دموعى
بتصحى تدوب
بحبك بقولها
لكل إلّى رايح
وكل إلّىجاى
وحتّى ف منامك
هجيلك كمان
وهفضل وراك
لحد أما أجيبك
ولمّا أجيبك
هقولك بحبك
داحبك ياروحى
دا أصله الجنون
سلامى لقلبك
دا من قلبى طالع
وجوَّا السلام
بيبعت رسالة
وجوَّا الرسالة
مسيرك تحس