اخلاق قراصنة..........ابعد

(اخلاق قراصنة)
-------------
استمالة مستحيل
ارض واقع مش معانا
و الجنون اصبح ذليل
امتهان ضد استكانة
م الضمير
ايه يضير؟؟؟
حرق كارت عليها ولا
ندب حظك راح يفيد
كبريائك فى المحاربة
سيفه نور و دراع حديد
انحسر بين النفاق
و تملقك ف مفاوضات
جواك بتخنق
أتأسر بايدين عناء
طول السنين.....و الزيف جبل
ماسى بيبرق
فى البراح الاسود
بينشر
بين عيونك
من عيونهم
اخلاق قراصنة
فوق الشراع
قاعد بيغزل
غيوم سعادة
ويا كدب
بس غزله
مش بيركب......اى ريح
الا العواصف
كل الكنوز استخبت
بين شقوق الروح
و دابت...ف الاثير
مستنياك
شهوانية النزاع
و التملك.....تستثير
فيك الهروب....و الاحتياج
لغسل نفسك
بالصخور....تنزل تراب
فوق الهضاب
دمعك يسيل
يغزل بحار
من الالم
اقلع قناع كل الحقايق
اللى ايلة للسقوط
كل الطرق و افضل دروب
حتوصلك.....لحقيقة واحدة
الضياع اللى انت فيه
واجه مرايتك ...و اعترف
سيفك تقيل
مش بيطلع من جرابه
و الصريح
يعترف انك جميل
من غير جراب
انحسارك بين سؤالك
و الجواب
ان عاد
تعود
فارس نبيل
من غير هواجس الانتصار
باخلاق قراصنة

اشكالية التفاعل النفسى فى الشعور الداخلى المتاجج للانسان امر متعب وليس باليسير
والتناول بهذه الكيفية من العمق فى الشعور يكون منهك للشاعر

فى كل نص لك ارى انك تجهد نفسك وتجتهد فى استخراج صور جميلة معبرة بعمق عن الفكرة والمكنون الشعورى لديك وهذا امر يحسب لك

استاذ معتز انا احيى فيك هذا العمق فى التناول

تقبل تقديرى

د.ابو دنيا
اشكر لك استاذى الغالى أرائك الدافعة دائما
و حسن اختيارك للكلمات
دمت عطاء
لك احترامى و تقديرى
معتز السيد