مسافات الحب والبعاد
وبلون الحب الوردي
المنقوش في قلوبنا غناوي
اترسمت كل خيوط الفرحة
يوم لقيانا شموع منآدة
فردنا شراع مراكبنا
ركبنا كل بحور الشعر
عدينا حدود الليل المعصوبة عنية
ماتعبنا ولاخوفنا
طلع الفجر عليناولاحسينا
واحنا بنرسم احلامنا
عصافير بتزقزق ومداين حب
وعيال فرحانة متعرف جوع
ولاخوف ولاحرب
وانطلق الحلم المخنوق جوانا
يروي صحاري الروح
العطشانة سلام
يرسم احلامنا لبكرة
شموس وجناين ومدن للنور
انشبكت احلامنا وقلوبنا بادينا
بالحلم الجاي
واما الليل مسي علينا
كان صعب علينا نفارق
ودموعنا المحبوسة
في عنينا لآلئ
فتحت شبابيك النور
الموصول بعروقنا
وفارقنا وقلوبنا
بتعزف الحانها علي الناي
فرحانة بلقانا الجاي
فرحانة بلقانا الجاي
سوسن عبد الملك