انا وانت والحلم والعلم
...؟؟ هى امى
دمها فى ((قزايز الحاجه الساقعه ..نانسى))
قصيده بعنوان(( انا وانت والحلم والعلم))
العلم كان هايفطس على روحه من الضحك .
.وهو بيبحلق فى وش العسكرى الغبى اللى شايله وبيقول :
(تحيا مصر )
وقتها زهق النسر
وقطع جناحه الحنين
وضرب بيه الدنيا طبنجه.
رست رصاصتها
على مايك,
ومنصه ,
وشوية كاميرات ,
وناس مش بتحب حد بجد .
ساعتها بس
طفح اللون الاحمر ع الابيض .
وفضلت قماشه سوده كحل.
زى وش عم محمد الفلاح
اللى لامم عيال العزبه ف وسط الغيط ونازل فشر:
ع الكتف ده كان فيه ارباجيه.
ع الكتف ده كان فيه دبابيه
ضربت بيهم طياريه.
وقعت من الهاويا.
يا عم بتقول ااااااااااااااااااااااااا اااااايه؟
هو انت ما عرفتش الخبر ؟
الحلم خلاص نزل المزاد .
بعد ما تهرى تمنى من شوية عيال عاطلين.
والعطى معروف .
((هيرسى على واحد . فقير يا دوب يكمل بيه عشاه وسط عياله اللى بالكوم ))
ايه ؟ يشتريه الغنى؟
طب ليه؟
ويعمل بيه ايه؟
وهو ايه اصلا غير شوية وجع على لحمنا المر.
...ولد نفسه يمسك ايدين بنت لابسه فستان وطرحه بيضه...
...موظف نفسه يدخل الجنه بمرتبه المتواضع ...
مش هو ده الحلم اللى اتهرى سهر وتمنى ؟
يفرق ايه عن العلم اللى عيط من سخونة الشمس؟
يفرق ايه عنى؟
يفرق ايه عنك؟
.................................................. ..........
العلم (((فشار بيصدع دماغه بحقايق اليمه)))
الحلم((( فنان بيريح اعصابه بكلام سيما)))
وشكرااااااااااااااااااااا ااااااااااااااااااااااااا ااااااااااااا.
رد مع اقتباس
المشاركة الأصلية كتبت بواسطة جوتيار تمر
