بره الحدود
الف مرة سافرت فيك
فتشت ياما اية لقيت
حبة الورق المهربد م الرحيل
وبقايا حبر من الامل
بره الحدود
وحروف ملانة بالوجع من صمتها
على رف حلمك اللى ياما علية رميت
مش اى حد هيعرفك
لما ترسم ضحكتينك
وانتا من جواك جريح
لما تلبس هدمتينك وتداريك
لما تلبد تحت جلدك
تندهك لجلن تعود
من غير ما تبقي م العبيد
ولا انت عودت اللسان كلمة يا سيد
حبة غضب
تنزع وشوش الذل عنك
واللجام المستبيح
قبل ما يخطوا ف قلبك يدهسوك
تبقي مش قادر تموت
او تصيح
او تبوح الدمعه
باللى مش قادر تقوله
وانت مهزوم الضمير
يا ضرير
الشمس طالعه
بس هى فين عنيك ؟