عليا الحرنكش
لا يختلف اثنان على أن الأستاذ أحمد فؤاد نجم هو منارة في تاريخ الزجل المصري عامة والسياسي خاصة.
ولكن في الفترة الأخيرة سربت بعض المنتديات وتلفونات المحمول أشعارا سياسية على لسانه منها قصيدة على الحرنكش وقد حذفت منها الدلالات الخارجة وعلى القارئ استنتاجها من السياق.
يقول فيها:
أؤيد وابايع فخامة جلالتك
وأيد أي واحد بيمسح ريالتك
ولأنك سر باتع هننسى هبالتك
فقعد ياريس ودلدل ( ... )
حمامة السلام ( ...... ) ياريس
والقصيدة مليئة بالسب والكلمات الهابطة التي لاتعبر عن فن أو موقف سياسي راق.
ومع أنني لست مؤيدا لسياسات حزب ما فلم أر فيما نشر فنا كما لايستحق الوقوف إزاءه إلا بالرفض والاستهجان,.:
يا نجم دنا زعلان منك
يا نجم دنا زعلان منك
بتقول كلام مش من فنك
ياراجل اختشي على دمك
هي الشتيمة بقت أشعار
يا نجم عمال بتهلفط
وتقول زجل مش متظبط
عمال بتعجن وتبطط
لا هو فن ولا دي أفكار.
يا نحم دا نت لمصر تاريخ
صوتك دا واصل للمريخ
على العدا ونازل صواريخ
جوه ف قلوبهم ولع نار.
يا نجم دا احنا الصبيان ليك
وانت الكوماندة وليك اياديك
وعشان ما نيجي نطل عليك !
نلقاك مهرج وسط كبار؟
يا عم دا انت منار لينا
في البحر نجم بتهدينا
تضربنا إنت على إ يدينا
لو كنا هايفين والا صغار
يا نجم ليه تحرق كتبك
وتهد أسوار من فنك
يا راجل استحي من سنك
ف يوم حتلقى عظيم جبار
يانجم دا اللفظ ســـــــعادة
وخرجت والله على العادة
خرفت .. بقا كدة بزيادة
( هرِمَ المغني والمزمار)؟
مع الاحتفاظ بكل التقدير لشاعرنا العظيم وتاريخة النضالي البطولي.
محمد نديم 27/3/2006