(...ممنوع من النشر...)
تسقط كل حروف الكلمة الصادقة
ف زمن الكذب
زمن الغش الساكن معدة
طفل جعان بيدب
زمن الحقد الأعمى الكاره
قلب فقير بيحب
زمن الشك الفارد فينا
تحت جناحه ليالى حزينة
بتقتل فينا
كل حدود الشوف والسمع
وتفرض لينا
طريق مسدود
حتى الحلم صبح له حدود
إنت فقير..
إياك تحلم بالتغيير
حالك حالك
يفضل حالك
يومك مُر وليلك حالِك
إقرا وإكتب ..عيش أحزانك
بس بصوت مكتوم جواك
تصرخ ...
مين يسمعلك وأنت
فقير معدوم؟
ناس اليوم للقرش وبس
إفهم ..حس
إنت الصفروجاى شمال
مش بطال
لكن عمره ماكان فعال
إنت يادوب سطرين ف كتاب
ممنوع م النشر
من دلوقتى ليوم الحشر
رد مع اقتباس
المشاركة الأصلية كتبت بواسطة جوتيار تمر
