بالذمة ..ده مش كتير ؟؟؟

صح يا سيّد يا سعيد يا شكري
كثيرنا مقيّد وع الدّنيا يجري
والغلط راكبنا وفدماغنا يسري
تقديري لما قرأته هنا..

الأخت الكريمة :أ/نهيلة نور
أشكر لكِ مرورك الكريم وتعقيبك المختصر المفيد
الذى يحمل فى طياته الكثير
تحياتى وتقديرى لشخصكم الكريم

تقدر تقولى
لما صوت المادنة يعلى بالأذان
هل هتسمع وأنت نايم
لأ وحاطت فوق ودانك
كام مخدة من زمان؟
نقول هتصحى
ما أنت مؤمن
وإحنا عارفينك كمان
بس جاوب :
قولى راح ينفع وضوءك
وأنت توبك مش نضيف؟
طب و المكان
لسه طاهر ولامدنس كمان
م اليهود والامريكان؟
طيب جاوبنى
قبلتك هتكون واشنطن
ولا مكة والحجاز
ولا بير بترول وغاز؟
عمرى ماتكلم فى نية
دى القلوب ليها اللى عالم
بيك وبيا
بس يا صاحبى القضية
إننا فى عصر الهوان
دينا هان
ووطنا هان
حتى رسول الإنسانية
طالوه كمان
وإحنا بايعين القضية
من زمان
همنا نملى الكروش ولا مين يحوش
واللى يصحى الصبح بدرى
يلحق الكرسى الكبير
سلطان أمير
والله ما بتفرق كتير
مادام يصيرقائد جيوش

بس فين هى الجيوش
دول هاموش
وإحنا ناس ما بنختشوش
والضماير فى الفاشوش
يارب حوش
بيروت بتنعى القدس من قلب الرياض
بغداد تقول الدور عليكى يا دمشق
والدوحة تنده ع المنامة والعباد
من تونس الخضرا لمراكش
هات يا عشق
عمان عُمان صنعاء كمان
وطرابلس المخنوقة خنق
تقول نواكشط فاتحة بابها لليهود
مقدشيو تصرخ م الحبش والأمريكان
دارفور كمان يامسلمين يا هل الكويت
والأم شايل طفلها بيصرخ جعان
والبورصة فيكى يا دبى بمليارات
والقاهرة
أم العيون الساهرة ترعى الولاد
مش لاقية حد نومه مش تقيل
ويقوم يصلى الفجر
ويصير الأمير
بالذمة ده يا مسلمين
ع المسلمين ماهوش كتير ؟

بارك الله لك فى هذه الموهبه وهذه القصييييييدة الخطيييييييييرة
قراتها اكثر من مرة ولا اعرف بماذا اعلق وعندما علقت لا ادرى ماذا اقول
جميلة جداتقبل كل التحية لنصك