اليل قدرينشرهدومه ع القمر
علشان يداري الضي بيهم
وهناك غجرمن جهلهم
بيفكروا انالقمرغاب عن عنيهم
لو بات بعيد عن حضنهم
واكمنهم سواح
علي جبين الزمن
كل البلاد دي ملكهم
وف صفهم في الف غازي
مالملوك
هتلسوعك كربيج عبييدهم
وتقطعك لعبة ولادهم
لعبة ولادهم دبابات
غمض عيونك من سكات
وارضي ان دسوك
واوعاك تصرخ
الولاد بتخاف وصوتك
مش قوي
ان جابوا ابنك
قطعوه او ولعوه اوكمموه
متقولشي لا
معني الحياه مدفون
فصوتة اتخنق
الروح بتهرب مالجسد
مات الولد
وامك بتصرخ
عال الحفيد
والجد واقف يندهك
بيرد صوت الدم فعروقك
يزعق في الغجر
مأنتش ملاك
دوق الهلاك يابن البشر
لو تفتكر يوم ما اتولدت
يوم مأترسم جواك امل
اللون مترتش ع الحيطان
برواز عيونك جمعه فوق الرموش
ايه العمل
السيل بيتحدي السدود
مش راح تعود اللوحه ليك
وانا مش ناسييك يا ابن البشر
الليل قدر ينشر هدومه ع القمر
علشان يداري الضي بيهم
وهناك غجر من جهلهم
بيفكروا ان القمر غاب عن عنيهم