واحد صياد
قاعد وف إيده الصنارة
وف إيده التانية
كتاب مفتوح
وانا واقفة هناك
وبكل وضوح
وبراقب عينة
مكان ما تروح
لكن فجأة
غمض عينه
قربت شويه ولقيته
بيقول موَّال
أشجان ...ودموع
ويضيع القاتل والمقتول
فينك يا سنييييييييين
فينك يا شهووووور
أيام ودقايق والعصفوربيموت
وياه كل المكتوم
والحظ تملى
يبان مضروب
والشعب أكيد زىاخواته
من باقى شعوب كل المشروب
لكن بيفضَّل
يبقى بعيد
قال:وانا مالى!
ما الكل مصيره أكيد الموت
موَّال..وصراخ..وعويل
وعيال..وجبال
يا ترى مين الكسبان؟؟
القطة وولادها الخمسة؟!
ولا الشعب بتاع لبنان؟!
ولا الساقية بترجع
تانى
زى زمان؟؟؟!!!!!!!!!
ولا....ولا بلاش.
أحسن ييجوا واتحاكم
وادفع تمن الكلمة
شيكات..........
وأبيع الأرض
إللى ترابها
من دمى
ومن دم اجداد.
موَّاااااااااال
قالوا القاعد عند الساقية
قاله زماااااان
ليه يا بلادى
الشعب ف أرضك
يبقى جبان
مع إنك حلوة
وتستاهلى
من حبه
كاااااام كردان
يا بلادى أنا لسه
ما دقتش من أرضك
غير الأحزان
ويا ريتك ما تبيعى
ولادك
وتجيبى تمنهم
طوفان...
وساعتها تبقى يا بلادى
مييييت حتَّه
ومييييت ألف مداااس
وعشانك
أنا رايحه أصلى
وادعيلك
من قلبى كمان
وعشانك
أنا رايحه أدافع
وابقالك ع البااااب
ترباس××××××××