ليت الليالي تقدر توصل غرامي
وليت المشاعر تكتب اشواقي حروف
اشوف طيفك خلفي وجنبي وامامي
وفي داخلي تسري بهيئاتك طيوف
سرقت قلبي ما دريت إنك حرامي
وسلبت روحي ومهجتي وعيني تشوف
اصحى بسكرك يسكر بصحوك مدامي
واشرب أمانك من كؤوس الوجد خوف
وصفت حسنك غرت من نبرة كلامي
الوصف بك يغلى ولا ليك موصوف
يخاف طرفك حدة السيف الحسامي
ما شفت عين تكسر رماح وسيوف
رويت قلبي بالظمأ ونار الهيامي
تشب بأطرافي وتشعل لظى الجوف
أقول تكفى .. قلبي بالهجران دامي
يا روح روحي .سوي بي خير ومعروف