مش بريء
حاسة بحجات كتير
عذابي فيها مصير
حجات مش معقولة
وأسكت وأقول بغير
نفس الألم جوايا
سكين يطعن هوايا
خلي أديكم قدامي
بلاش يبقوا ورايا
حبيبي كان هو نفسي
كان ضلي وكان شمسي
دلوقتى خوفت منه
سفنه صخور بترسي
كنت في حياته أميرة
ملك و معاك أسيرة
سافر بقلبه وفاتني
وحيدة فـ طريق الحيرة
الحب دا كان زمان
عيني شايفة عِصيان
بس مين يخلصني
وأنت كنت الأمان
عنيا كانوا أنـــــــــت
وقلبي كله أنـــــــت
وبقيت من غير حياة
هترجعلي تاني أمتى!
أرجوك بلاش خيانة
جرح وعذاب وإهانة
هفضل أكذّب نفسي
لأنك عندي الأمانة
صعب أزعل منك
عارف؟؟ لأني بحبك
وردي أهو بيقولك
بحلم بعمري جنبك
أنت المعنى الجميل
زي صوت الصهيل
سمعاك بكل ما فيا
لأنك حبي الأصيل
جايز تكون بريء
وإحساسي مش برئ
عذراك وأعذرني
مليش غيرك رفيق
.
ياسمينا