إنتي إلى غاب صوتك صار ليلى عـذاب! في نار ذكراك يالصوت الشجـي الحنـون الليل في غيبتك كلـه طعـون وحِـراب والهمُّ يغتال قلبي كـل لحظـة سكـون! ياليـل عذبّتني..ياليـل زدْت المـصـاب ياليل يكفي شقا..ياليل شفـت المنـون! ما كنّي اللي عزفتك باللحـون الطِـراب وما كنّي اللي غمرتك بالدموع المـزون! وما كنّي اللي سقيتك والفيافـي سـراب بالشوق لين ارتوت بالحب كل الغصـون! وما كنّي اللي رويتك يوم عَـزّ الشـراب ما كنّي اللي سريتك والمشاعـر عيـون!! وما كنّي اللي وصل ياليل حد السحـاب بالحب واسبلت روحي في فياضك شجون! وما كنّي اللي تعدّى فيك كل الصعـاب وما كنّي اللي تحمل كل ذيك الطعـون! وما كنّي اللي تناسيت الخطا والصـواب وارخصت له كل شي وقلت لاجله يهون! وما كنّي اللي شرى حبّه بعمـر الشبـاب وما كنّي اللي نَحَتْ له في ضلوعه فنون! ياليل خبر حبيبي كـان يرجـي الثـواب قلّه ترى صاحبك شارف حدود الجنـون! قلّه ترى الناس بعـدك ياحبيبـي تـراب وقلّه ترى صاحبك مفتون بك يافتـون !