|
ناقـتـي ياناقـتـي لاربــاع ولاسـديـس![](clear.gif) |
وصليني لابتي مـن وراء هـاك الطعـوس |
حائلاً رابع سنه مـن خيـار العيـس عيـس![](clear.gif) |
خفهـا لادرهمـت كنـه بالنـار محسـوس |
في دجى خالي خـلا لاحسيـس ولاونيـس![](clear.gif) |
تنوخذ من شـدة البـرد طقطقـة الظـروس |
في عيوني يكفـخ الطيـر ويطيـح الفريـس![](clear.gif) |
وانتهض جساس من دون خالتـه البسـوس |
وفي خفوقي فرخ جنيتاً يضـرس ضريـس![](clear.gif) |
يوم اوردهـا هجـوس واصدرهـا هجـوس |
ديرتي دار ابن ضاري وابن غثلـم جريـس![](clear.gif) |
ديرة اللي دوجوا فـي فيافـي نجـد جـوس |
ديرتـي يابنـت شيخـاً ومعدنهـا نفـيـس![](clear.gif) |
عيطموسـاً دونهـا دثرتـنـي عيطـمـوس |
جادلاً مطرق جسدها مـع الغربـي يميـس![](clear.gif) |
-طينتاً مـن تربـة الخلـد والـدم محمـوس |
نقشت خمساً من الخمس في يـوم الخميـس![](clear.gif) |
ليـت شعـري مـا ارادت بهـذا دختنـوس |
كـم تمنـا إن معـه مثلهـا فتنـه بلـيـس![](clear.gif) |
كان يمكن قد قلـب نصـف إمتنـا مجـوس |
كن دماث الصـدر منهـا كنيسـه او كنيـس![](clear.gif) |
صومعـة رهبـان ديـراً يـؤدون الطقـوس |
آتقـوس مـع تقـوس نواهدهـا وإقـيـس![](clear.gif) |
قبتين قـاب قوسيـن قوسـاً جنـب قـوس |
خصرها يحكي لنـا واقـع القـوم التعيـس![](clear.gif) |
وردفها عن غطرسة بـوش يعطينـا دروس |
وبالرغم مـن قصرهـا مايجالسهـا جليـس![](clear.gif) |
تصبح أطول نسوة الارض في وضع الجلوس |
العروسه ماتبي غيـر ابـو تركـي عريـس![](clear.gif) |
العروسه نجـد ماهيـب حـي الله عـروس |
نجد بنـت المجـد ونسـة مونسـة الونيـس![](clear.gif) |
ماعسفها الا معزي ضحـى اليـوم العبـوس |
كل اهل نجد هلي من إجاء حتـى الخميـس![](clear.gif) |
في ذراهم بالتجي عـن مجففـة الرسـوس |
وعيشتي مابين أسـوداً ولـو مانـي رئيـس![](clear.gif) |
(خير من كوني رئيساً على شلقـة تيـوس) |
وليس عيباً إن خدعنـي بمكـره كـل هيـس![](clear.gif) |
لان مايفهـم بمكـر الهيـوس الا الهيـوس |
مصطفى فـي مأدبـة عمـه البابـا لويـس![](clear.gif) |
كبر اللقمه تحـت ضـؤ حمـراء الكـؤوس |
وطسم حدتها على حائـط المبكـى جديـس![](clear.gif) |
يـوم شقـت ثوبهـا بنـت عفـار شمـوس |
سيدة هـاك القصـر أسمهـا الاول لميـس![](clear.gif) |
دونها سمـر الحناجـر بترهـا حـد مـوس |
قسقسـة لاحرارهم.قيس.قيس.قيس.قـيـس![](clear.gif) |
والبستهـم مـن مهانتهـم انـواع اللـبـوس |
بين خدعة كعـب اخيـلاً ومولـد ادونيـس![](clear.gif) |
درسونـا الالهـه والمـدرس هـنـا روس |
ويش لاقوا من قناة السويس اهـل السويـس![](clear.gif) |
وويش لاقوا من تلمسان قوماً مـن سنـوس |
كلهم من شـدة الجـوع راحـوا خندريـس![](clear.gif) |
بين غيبوبة مخدر وصحـوة عـرق سـوس |
ثـورة راحـوا سببهـا بتـوع الاتوبـيـس![](clear.gif) |
وش نبي فيهـا وهـي ماتهـز الا الغـروس |
آفة المرء اثنتان الـف كـاس وحـب كيـس![](clear.gif) |
والنفوس اليا بغيـت اتعرفهـا ارم الفلـوس |
ينكشف زيف الشعارات الى حمي الوطيـس![](clear.gif) |
رجع الاذناب إذناب وتبقـى الـروس روس |
صدق لاقال العرب مايحوص الا الخسيـس![](clear.gif) |
ولايوط الروس شئياً مثـل ضعـف النفـوس |
ناقتي يا ناقتي لا رباع ولا سديس![](clear.gif) |
وصليني لابتي من ورى هاك الطعوس |
وسلامتكم![](clear.gif) |
![](clear.gif) |