وكان هيقوم بالثورة امبارح
كان هيحلي البحر المالح
تلقاه نايم ..
ورا أحلامه تلقاه سارح !
تلقاه لسه يدوب بيخطط
إن سلامنا تبانله ملامح
بس زمانا يا عمي عاندنا
خاصم مش راضي انه يسامح
طلق الغدر يدب ف بيتي
زي حصان أهوج أو جامح
كسر غصن زتون زارعينه
فاتلي مخالب نسره الجارح
إحلم يمكن حلمك يبقي
فكره جميله ف يوم لمسابقه
بس احلامنا خلاص اتهدت
بعد الغدر ما ايده اتمدت
جوه بحورنا اهو عايم سابح
وكان هيقوم بالثورة امبارح
كان هيحلي البحر المالح
تلقاه نايم ..
ورا أحلامه تلقاه سارح !
أستاذي الفاضل حضرتك بالبلدي لو كتبت" رياني يا فجل"
أكيد والله هتحوز إعجاب الجميع وأشهد لك أن قديمك كحديثك كمستقبلك
جميل فأجمل فأجمل
تقبل مداخلاتي المعتاده واقتباسي من استاذنا شاهين
المخلص في حبك / أحمد موسي