كتير يا مصر
بيحوموا حواليكي
عايزين يشوفوا
الدمعه ف عنيكي
يا مصر ياورده
في وسط بستاني
يا جميله يا غاليه
دا بناكي حلواني
ومين يهين قيمتك!!
دي ف نص قرآني
لو حاموا حواليكي
روحي تفاديكي
وان راحت انا روحي
سيبتك لباريكي
راح يحمي أطرافك
م الطمعانين فيكي
**************
د انا بعد غربه وعذاب
راجع بشوق ملهوف
راجع أدوق مي نيلك
وأبل بيها الجـــوف
يا مصر دإنتى الأصيلة
اعمل يا شوق معروف
رجعنى حضن الحبيبه
أنسى الألام والخوف
دا ان يوم تعبت ف بلادى
هلقى أحن كفوف
تمحى الألام والأسي .
وحبك دوا موصوف
وإلي ما شاف الأصاله0
ييجى لمصر يشوف
للشاعر / أحمد سعيد موسي